ا ق ش-تا 105 جاستاعى ءاسيا سارداربەك قايتىس بولدى

بۇل تۋرالى Facebook-تە جۋرناليست دارحان ومىربەك حابارلاعان بولاتىن.

«قىزىل اسكەردەن ەكى رەت قۇتىلىپ، امەريكادان ءبىر-اق شىققان اجەي ءاسيا سارداربەك دۇنيەدەن وزدى. بۇل تۋرالى تۇندە ونىڭ كەلىنى فۋزيا حابارلادى.

«كەشە (27-قاراشا) ساعات 5:20-دا ءجۇرىپ كەتتى. بالالارى مەن نەمەرە- شوبەرەلەرىنىڭ ءبارى قاسىندا بولدى. سوۆەت وداعىنا دەيىنگى كەزدە تۋعان، وداقتىڭ ىدىراۋىنان كەيىن 30 جىل ءومىر سۇرگەن ءاسيا اپانىڭ ومىرىندە قازاق حالقىنىڭ عاسىرلىق تاريحى جاتىر»، - دەپ جازدى اۆتور.

ايتا كەتەيىك، ءاسيا سارداربەك 1916 -جىلى جامبىل وبلىسىنىڭ مويىنقۇم اۋدانىندا تۋعان. ەكى رەت قىزىل اسكەردەن قاشقان. بىرىنشىسىندە، 1920 -جىلى اكەسىمەن بىرگە ۇجىمداستىرۋ كەزىندە قاشقان. ول 15 جاسىندا اۋعان پاتشاسى ءزاحيردىڭ ۇرپاعى اميري مۇحامەدكە تۇرمىسقا شىققان.

قىزىل اسكەردەن ەكىنشى رەت كەڭەس وداعى اۋعانستانعا اسكەرىن كىرگىزگەندە قاشقان. كەيىن تۇركيادا، گەرمانيادا تۇرعان. ءومىرىنىڭ سوڭعى 40 جىلىن ا ق ش-تا وتكىزگەن. ا ق ش بيلىگى 101 جاسقا كەلگەندە وعان پاتەر مەن كۇتۋشى سىيلاعان.