ەلىمىزدە تەست جاسايتىن 10 زەرتحانا اشىلادى

None
None
نۇر-سۇلتان. قازاقپارات - ءساۋىر ايىندا ەلىمىزدە 600 تەست سىناماسى بولادى.

بۇل تۋرالى ەلدەگى كوروناۆيرۋس ينفەكتسياسى بويىنشا قازىرگى جايلى ونلاين بريفينگتە ايتىلدى، دەپ حابارلايدى قازاقپارات ءتىلشىسى.

«قازىرگى ۋاقىتتا دۇنيە ءجۇزى بويىنشا گەنەتيكالىق پتسر دەگەن ءبىر تەست قانا دياگنوز قويۋعا بەكىتىلگەن. ەكسپرەسس تەست پايدا بولعانىمەن، ناۋقاستىڭ دەرتىن راستاپ، ەمدەۋگە جارامايدى. ەلىمىزدە پ س ر تەست جاسايتىن 19 زەرتحانا بار. ولاردىڭ كۇنىنە 6000 تەست جاساۋعا مۇمكىندىگى بار. قاڭتاردان باستاپ 25 مىڭ تەست وتكىزىلدى. وتكەن تاۋلىك بويىنشا ءبىر جارىم مىڭ تەست جاساپ جاتىرمىز. سونىمەن ەل بويىنشا 6 مىڭ تەست جاساۋعا مۇمكىندىگىمىز بار. نۇر-سۇلتان، الماتى قالالارىندا جۇكتەمە كوپ ەكەنىن ەسكەرىپ، ەلوردادا تەست جاسايتىن 3 زەرتحانا اشتىق. تاعى 2 زەرتحانا وسى اپتادا اشىلادى. الماتىدا تاعى 3 زەرتحانا اشىلادى. باسقا وڭىرلەردى قوسقاندا جالپى 10 زەرتحانا اشىلماق. وسىلايشا ءساۋىر ايىنىڭ باسىندا 12 مىڭ تەست جاساۋعا مۇمكىندىك بولادى»، - دەيدى ق ر دەنساۋلىق ساقتاۋ ءمينيسترى ەلجان ءبىرتانوۆ.

ول قازىرگى ۋاقىتتا 300 مىڭ تەست بار ەكەنىن ايتتى.

«بۇگىن مەملەكەتتىك كوميسسيا قوسىمشا تاعى 300 مىڭ تەست ساتىپ الۋ جونىندە شەشىم قابىلدادى. سوندا ەلىمىزدە 600 مىڭ تەست بولادى. ەپيدەميانى باقىلاۋ ءۇشىن ءبىر ناۋقاسقا 200 تەست جاساۋ مۇمكىندىگى بولادى. بۇل - كورەيانىڭ دەڭگەيى. وتاندىق كاسىپكەرلەردىڭ دەمەۋشىلىگىمەن ەسكپرەس تەست قولدانۋ مۇمكىندىگىن دە بەرەمىز. الگوريتم بەكىتىلگەن. مەملەكەت تاراپىنان 380 مىڭ تەگىن تەست وتكىزىلەدى. ول سوزىلمالى اۋرۋى بار، قارت ادامدار نەمەسە كارانتيندە جاتقان ازاماتتار، شەتەلدەن كەلىپ جاتقان ازاماتتار سياقتى تاۋەكەلى جوعارى ازاماتتاردى سكرينينگتەن وتكىزۋگە قولدانىلادى. بۇل تەستى تەك مەملەكەتتىك ەمەس، جەكە مەنشىك زەرتحانالارعا وتكىزۋگە دە رۇقسات بەردىك. بۇل تەك بەكىتىلگەن ستاندارت بويىنشا جاسالۋى كەرەك. ارنايى ازاماتتار تەگىن الادى جانە اقىلى دەڭگەيدە الۋعا دا مۇمكىندىك بەرىلەدى»، - دەيدى ول.

سوڭعى جاڭالىقتار