21:20, 31 - ناۋرىز 2020 | GMT +6
زەيناتاقى، مەملەكەتتىك جاردەماقى جانە اتاۋلى الەۋمەتتىك كومەك مولشەرى 10 پايىزعا يندەكساتسيالانادى
نۇر- سۇلتان. قازاقپارات - زەيناتاقى، مەملەكەتتىك جاردەماقى جانە اتاۋلى الەۋمەتتىك كومەك مولشەرى 10 پايىزعا يندەكساتسيالانادى.
بۇل تۋرالى رەسپۋبليكالىق تەلەارنالاردىڭ ەفيرىنەن ەلىمىزدەگى توتەنشە جاعدايعا جانە مەملەكەتتىڭ داعدارىسقا قارسى ءىس- شارالارىنا بايلانىستى مالىمدەمەسىندە پرەزيدەنت قاسىم- جومارت ايتتى، دەپ حابارلايدى قازاقپارات ءتىلشىسى.
«مەن بۇعان دەيىن داعدارىسقا قارسى العاشقى شارالار توپتاماسىن جاريالادىم. جاعدايدىڭ ۋشىعا تۇسكەنىن ەسكەرىپ، ازاماتتارعا جانە بيزنەسكە ودان ءارى قولداۋ كورسەتۋ جونىندە مىناداي قوسىمشا شەشىمدەر قابىلدادىم. ينفلياتسيانىڭ ارتۋىنا بايلانىستى، زەيناتاقى، مەملەكەتتىك جاردەماقى جانە اتاۋلى الەۋمەتتىك كومەك مولشەرىن 10 پايىزعا يندەكساتسيالاۋدى تاپسىردىم»،- دەدى پرەزيدەنت.