19:43, 23 - قاراشا 2020 | GMT +6
10 ميلليون مەديتسينالىق ماسكا ساتىپ الدىق - الەكسەي سوي
نۇر- سۇلتان. قازاقپارات - 8 وتاندىق تاۋار وندىرۋشىدەن 10 ميلليون مەديتسينالىق ماسقا ساتىپ الىندى. بۇل تۋرالى ق ر دەنساۋلىق ساقتاۋ ءمينيسترى الەكسەي سوي ايتتى، دەپ حابارلايدى قازاقپارات ءتىلشىسى.
«تاپشىلىق ورىن العان جاعدايدا ءدارىحانالاردىڭ بولشەك جەلىلەرىن ينتەرۆەنتسيالاۋ ءۇشىن 8 وتاندىق تاۋار وندىرۋشىدەن 10 ميلليون مەديتسينالىق ماسقا ساتىپ الىندى»، - دەدى مينيستر IX ازاماتتىق فورۋم اياسىندا ۇكىمەتتىك ەمەس ۇيىمدار وكىلدەرىمەن كەزدەسۋى بارىسىندا.
سونىمەن قاتار ول مەديتسينا قىزمەتكەرلەرى ءۇشىن جەكە قورعانىس زاتتارىنىڭ 3-ايعا جەتەتىن قورى جاساقتالىپ قويعانىن باسا ايتتى.
«بۇعان قوسا، ۇكىمەت گۋمانيتارلىق كومەك اياسىندا الىنعان جەكە قورعانىس زاتتارىنان 400 مىڭ بىررەتتىك قورعانىس كوستيۋمدەرى رەزەرۆىن قۇرۋ ماسەلەسىن پىسىقتادى»، - دەدى الەكسەي سوي.