ديماش قۇدايبەرگەن امەريكالىق حيت- شەرۋدە توپ-10 ەندى

Billboard's Hot Trending Songs – Billboard اتتى امەريكالىق مۋزىكا جۋرنالىنىڭ جاڭا چارتى. بۇل چارت انشىلەردىڭ ءانى مەن ەسىمى Twitter قولدانۋشىلارىنىڭ اراسىندا قانشا رەت اتالعانى بويىنشا رەيتينگ تۇزەدى. ال Billboard جۋرنالى جاھانداعى مۋزىكالىق تەندەنسيالاردى جانە ولاردىڭ ناقتى ۋاقىتتا قالاي تالقىلانىپ جاتقانىن باقىلايدى.

وسىدان كەيىن باقىلاۋ قورىتىندىسىن باسقا چارتتاردىڭ ناتيجەسىمەن بىرگە جاريالايدى. وتكەن اپتادا «Fly Away» ەڭ ترەندتەگى اندەردىڭ العاشقى جيىرمالىعىنا ەنىپ، 19- ورىنعا يە بولعان ەدى. وسى اپتانىڭ قورىتىندىسى بويىنشا ديماشتىڭ كومپوزيتسياسى Twitter- دەگى ەڭ كوپ ايتىلاتىن جانە تالقىلاناتىن اندەردىڭ وندىعىنا كىردى.

وسىلايشا ءبىر اپتانىڭ ىشىندە 13 ساتىعا كوتەرىلىپ، 6-ورىنعا شىقتى. ديماش «Fly Away» كومپوزيتسياسىن العاش رەت 24 - تامىزدا «نوۆايا ۆولنا» فەستيۆالىندە ۇسىنعان بولاتىن. ديماش «Fly Away» كومپوزيتسياسىن العاش رەت 24 - تامىزدا «نوۆايا ۆولنا» فەستيۆالىندە ۇسىنعان بولاتىن.

ەسكە سالساق، اتالمىش «Fly Away» ءانى جاپونيانىڭ FM Kiryu اتتى راديوستانسيانىڭ ەفيرىنە جول تارتقان بولاتىن. ءبىر اي بۇرىن ديماش قۇدايبەرگەن ازيانىڭ ەڭ سىمباتتى تانىمال جىگىتى اتانعان ەدى. تانىمال ءانشى تۋعان اقتوبە قالاسىندا ديماشتىڭ ەسىمىمەن بايلانىستى تۋريستىك نىساندار سالىنۋى مۇمكىن.

اۆتور: ەسىمجان ناقتىباي