قىتايدا 133 جولاۋشىسى بار ۇشاقتى قۇلاتۋعا بىرەۋ بۇيرىق بەرگەن بولۋى مۇمكىن – ب ا ق

The Wall Street Journal باسىلىمىنىڭ جازۋىنشا، مۇنداي قورىتىندىنى اپاتتىڭ سەبەپتەرىن زەرتتەپ جاتقان امەريكالىق ساراپشىلار جاساعان، - دەپ حابارلايدى CNN.

قارا جاشىك دەرەكتەرىنە سايكەس، بيىكتىكتى كۇرت تومەندەتۋ تۋرالى بۇيرىقتى پيلوت كابيناسىنداعى بىرەۋ بەرگەن. «ۇشاق كابيناداعى بىرەۋدىڭ ايتقانىن ورىندادى»، - دەپ كەلتىردى WSJ امەريكالىق ساراپشىنىڭ تانىسىنىڭ ءسوزىن.

قازىر امەريكالىق ساراپشىلار تەرگەۋدى ۇشقىشتىڭ ارەكەتىنە اۋدارعان. بۇل رەتتە كابيناعا بوتەن ادام كىرىپ، ۇشاقتى قۇلاتۋعا ادەيى بۇيرىق بەرگەن بولۋى دا مۇمكىن.

باسىلىم اپاتتىڭ سەبەپتەرىن زەرتتەپ جاتقان قىتايلىق ساراپشىلار لاينەردەن ەشقانداي تەحنيكالىق اقاۋ تاپپاعانىن اتاپ ءوتتى.

21-ناۋرىزدا كۋنميڭ قالاسىنان گۋاڭجوۋعا ۇشقان China Eastern Airlines ۇشاعى قىتايدىڭ وڭتۇستىگىندەگى شالعاي تاۋلى ايماقتا اپاتقا ۇشىراعان. بورتتاعى 133 ادامنىڭ ءبارى قازا تاپقان ەدى.

kaz.tengrinews.kz