سەمەيدە 142 جىل بۇرىن سالىنعان عيمارات تۇننەن بەرى ورتەنىپ جاتىر

ش ق و توتەنشە جاعدايلار دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، 26-اقپاندا ساعات 00.46-دا اباي داڭعىلىنىڭ بويىندا ورنالاسقان ج ش س- نىڭ ەكىقاباتتى عيماراتىندا ءورت شىققان. ءورت سوندىرۋشىلەر وقيعا ورنىنا بىردەن كەلىپ جەتتى. اعاشتان سالىنعان 1879 -جىلعى عيماراتتىڭ قابىرعالارىن، ەدەنىن، جيھازداردى جانە جەكە زاتتاردى جالىن شارپىعان.

«قازىرگى ۋاقىتتا ءتىلسىز جاۋمەن 19 تەحنيكا مەن 55 ادام كۇرەسۋدە. الدىن الا مالىمەت بويىنشا، جالىن 600 شارشى مەتر اۋماقتى شارپىدى»، - دەلىنگەن حابارلامادا.

ءورتتىڭ شىعۋىنا - ەلەكتر جابدىقتارىن مونتاجداۋ جانە پايدالانۋ كەزىندە قاۋىپسىزدىك تالاپتارىن ساقتاماۋ، ەلەكتر جابدىقتارىنىڭ اپاتتىق جاعدايدا بولۋى نەمەسە وتپەن ابايسىز ارەكەت ەتۋ سەبەپ بولۋى مۇمكىن.

اۆتور: تالعاتجان مۇحامەتبەك ۇلى