09:14, 22 - قاراشا 2020 | GMT +6
ەلوردادا ءدامحانادا گاز باللونى جارىلدى: 1 ادام قازا تاپتى
نۇر-سۇلتان. قازاقپارات - ەلوردادا ءدامحانالاردىڭ بىرىندە گاز باللونى جارىلدى.
بۇل تۋرالى ق ر توتەنشە جاعدايلار مينيسترلىگىنىڭ رەسمي وكىلى تالعات ءۋالي ءمالىم ەتتى، دەپ حابارلايدى قازاقپارات ءتىلشىسى.
«2020-جىلدىڭ 21- قاراشاسىندا، ساعات 12:25 تە نۇر-سۇلتان قالالىق ت ج د كەزەكشى- ديسپەتچەرلىك قىزمەتىنىڭ پۋلتىنە ءدامحانا رەتىندە جابدىقتالعان كوتتەدجدە گاز باللونىنىڭ جارىلعانى تۋرالى اقپارات كەلىپ ءتۇستى»، - دەدى تالعات ءۋالي.
ونىڭ اتاپ وتۋىنشە، ءورت ءسوندىرۋ قىزمەتى وقيعا ورنىنا جەتكەن كەزدە ءۇيدىڭ ىشىندە ءبىر قىز بەن 15 گاز باللونى بار ەكەنى انىقتالعان.
«جارىلىس سالدارىنان اس بولمەسىنىڭ توبەسى وپىرىلىپ تۇسكەن. الدىن الا دەرەكتەرگە سايكەس، قىز ءۇيىندى استىندا قالىپ قويىپ، وقيعا ورنىندا قازا تاپقان»، - دەدى رەسمي وكىل.
