پەتروپاۆل تۇرعىنى بەيتانىس اداممەن ىشىمدىك ىشەمىن دەپ 1 ميلليون تەڭگەگە قارىزعا باتتى

None
None
پەتروپاۆل. قازاقپارات - پەتروپاۆل تۇرعىنى بەيتانىس اداممەن سپيرتتىك ىشىمدىك ءىشىپ، سالدارىنان الاياققا 1 ميلليون تەڭگەگە جەم بولدى، دەپ حابارلايدى قازاقپارات ءتىلشىسى.

سولتۇستىك قازاقستان وبلىسى پوليسيا دەپارتامەنتى باسپا ءسوز قىزمەتىنىڭ مالىمەتىنشە، پەتروپاۆل قالالىق پوليسيا باسقارماسىنا ءبىلىم بەرۋ مەكەمەسىندە جۇمىس ىستەيتىن قالا تۇرعىنى ارىزدانعان. ايتۋىنشا، دەمالىس كۇندەرى ول بوس ۋاقىتىن كوڭىل كوتەرەتىن ورىندا وتكىزىپ، سوندا 26 جاستاعى قالا تۇرعىنىمەن تانىسقان. كەيىن ولار جالعا الىنعان پاتەردە سپيرتتىك ىشىمدىك ءىشۋدى جالعاستىرعان. جابىرلەنۋشى كوپ ۇزاماي ۇيىقتاپ كەتكەن، ال كەلەسى كۇنى اتىنا 999158 تەڭگە نەسيە الىنعانىن بىلگەن. ونىڭ تەلەفونى قۇپيا سوزبەن قورعالماعان ەكەن.

جاڭا تانىسى زايمدى ءموبيلدى قوسىمشا ارقىلى رەسىمدەگەن. ءتارتىپ ساقشىلارى جابىرلەنۋشىمەن بىرگە سپيرتتىك ىشىمدىك ىشكەن جىگىتتى بىردەن انىقتادى. نەسيەنى ول ءتورت ۇيالى تەلەفون ساتىپ الۋعا جۇمساعان.

«اتالعان فاكتى «الاياقتىق» بابى بويىنشا سوتقا دەيىنگى تەرگەپ- تەكسەرۋدىڭ ءبىرىڭعاي تىزىلىمىنە ەنگىزىلدى. كۇدىكتى بۇرىن دا سوتتى بولعان. تۇرعىنداردى ساق بولۋعا جانە بەيتانىس ادامدارعا سەنىم بىلدىرمەۋگە شاقىرامىز. الكوگولدى اسىرا پايدالانۋدىڭ سوڭى كوبىنە قىلمىستىڭ جاسالۋىنا سەبەپشى بولاتىنىن ەستەن شىعارماعان ءجون. بۇدان بولەك، ءموبيلدى قۇرىلعىعا قۇپيا ءسوز ورناتۋ ماڭىزدى. ويتكەنى، بۇگىنگى تاڭدا ۇيالى تەلەفون بايلانىس قانا ەمەس، قارجى وپەراتسيالارىن جاساۋ قۇرالى رەتىندە دا پايدالانىلادى»، - دەيدى ءبىرىنشى پوليسيا بولىمشەسىنىڭ باستىعى تىلەگەن ءالجانوۆ.

سوڭعى جاڭالىقتار