نازاربايەۆتىڭ دۇنيەجۇزى قازاقتارىنىڭ 1-قۇرىلتايىنان ارحيۆ سۋرەتى جاريالاندى
«ەلىم، جەرىم دەپ ەڭىرەگەن ءاربىر قازاققا قازاقستاننىڭ ەسىگى ءارقاشان اشىق. ەشكىمگە شەكتەۋ جوق!» - دەگەن نازاربايەۆ 1992 -جىلى.
1992 -جىلى 30-قىركۇيەكتە الماتىدا دۇنيەجۇزى قازاقتارىنىڭ ءى قۇرىلتايى اشىلدى. وعان 1200 ادام قاتىستى، ونىڭ ىشىندە الەمنىڭ 13 ەلىنەن: تۇركيا، يران، موڭعوليا، ا ق ش، قىتاي، اۋستراليا، گەرمانيا، انگليا، امەريكا جانە ت. ب. دەلەگاتتار قاتىستى.
قۇرىلتايدى وتكىزۋ كەزىندە ونىڭ شەشىمىمەن دۇنيەجۇزى قازاقتارىنىڭ قاۋىمداستىعى قۇرىلدى. قۇرىلتايعا قاتىسۋشىلار ەلىمىزدىڭ ەجەلگى ساياسي، تاريحي جانە مادەني ورتالىقتارى - تۇركىستان، جەزقازعان، ۇلىتاۋدى ارالادى. سونىمەن قاتار، ولار قازاقستان حالقىنا، الەم مەملەكەتتەرى مەن حالىقتارىنا، ولاردىڭ ۇكىمەتتەرىنە ۇندەۋ جاسادى.
قابىلدانعان شەشىمدەر ناتيجەسىندە جانە «كوشىپ كەلۋ تۋرالى»1992 -جىلعى 26-ماۋسىمداعى №1437-زاڭ نەگىزىندە دۇنيەجۇزى قازاقتارىنىڭ I قۇرىلتايى قوعامدىق ماڭىزى بار مەملەكەتتىك ماقساتتاردى ايقىندادى، سونىڭ ءبىرى شەتەلدىك قازاقتاردىڭ تاريحي وتانىنا قونىس اۋدارۋىن قامتاماسىز ەتۋ مىندەتىن ازىرلەۋ جانە شەشۋ بولدى.
1992 -جىلدىڭ تاعى ءبىر ماڭىزدى وقيعاسى ناۋرىز مەرەكەسىنىڭ رەسمي تۇردە قايتا ورالۋى بولدى.