11:40, 15 - مامىر 2021 | GMT +6
يلون ماسك ءازىلى ءۇشىن 20,5 ميلليارد دوللارىنان ايىرىلدى
نۇر- سۇلتان. قازاقپارات - يلون ماسك ءبىر مالىمدەمەسى ءۇشىن 20 ميلليارد 500 ميلليون دوللارىنان ايىرىلدى، دەپ حابارلايدى «حابار 24».
ونى امەريكالىق تەلەارنالاردىڭ بىرىنە شوۋعا شاقىرعان. اڭگىمە بارىسىندا كاسىپكەر كريپتوۆاليۋتالارعا قاتىستى تەرىس پىكىر ايتىپ ازىلدەگەن. سالدارىنان وعان تيەسىلى تەسلا كومپانياسىنىڭ اكسيالارى ءبىر اپتا ىشىندە 15 پروتسەنتكە ارزانداپ، ماسك 20 ميلليارد 500 ميلليون دوللار جوعالتقان. دەگەنمەن ول ءالى كۇنگە دەيىن الەمنىڭ ەڭ باي ادامدارىنىڭ ۇشتىگىنە كىرەدى. كاسىپكەردىڭ ازىلىنەن كەيىن بيتكوين باعاسى دا 17 پروتسەنتكە قۇلدىراعان.