نۇر-سۇلتان اكىمدىگى ەلوردالىق دارىگەرلەردىڭ جالاقىسىنا ۇستەمەاقى ءۇشىن 200 ميلليون تەڭگە ءبولدى

None
None
نۇر-سۇلتان. قازاقپارات - ەلوردالىق دارىگەرلەردىڭ جالاقىسىنا ۇستەمەاقى قوسۋ ءۇشىن 200 ميلليون تەڭگە ءبولىندى. بۇل تۋرالى نۇر-سۇلتان قالاسىنىڭ اكىمى التاي كولگىنوۆ ءمالىم ەتتى، دەپ حابارلايدى قازاقپارات ءتىلشىسى.

«بۇگىن ءبىز مەملەكەت باسشىسىنىڭ تاپسىرماسى بويىنشا ستاتسيونارلاردا، دەنساۋلىعىن تاۋەكەلگە تىگىپ وتىرىپ، ءوز مىندەتتەرىن اتقارىپ جۇرگەن دارىگەرلەرگە ۇستەمەاقى بەرۋ ءۇشىن 200 ميلليون تەڭگە بولدىك»، - دەدى التاي كولگىنوۆ ونلاين بريفينگ كەزىندە.

سونىمەن قاتار قالا اكىمى مەملەكەتتىك كوميسسيانىڭ وتىرىسىندا پرەزيدەنتتىڭ دارىگەرلەردى الەۋمەتتىك تۇرعىدا قولداۋ بويىنشا قارجىلىق كومەگى تۋرالى ەسكە سالدى.

«ياعني ءبىرىنشى ساعاتتاعى دارىگەرلەر 800 مىڭ تەڭگە، ال ەكىنشى ساناتتاعىلار 400 مىڭ تەڭگە، ءۇشىنشى ساناتتاعىلار 200 مىڭ تەڭگە الادى. بۇل ايتارلىقتاي كومەك»، - دەدى ول.

ەسكە سالا كەتسەك، كەشە ق ر اقپارات جانە قوعامدىق دامۋ ءمينيسترى داۋرەن ابايەۆ كوروناۆيرۋس ىندەتىمەن كۇرەسىپ جاتقان دارىگەرلەرگە ءۇش سانات بويىنشا جالاقىسىنا ۇستەمەاقى قوسىلاتىنىن ءمالىم ەتكەن ەدى.

اۆتور: ايان بەكەن ۇلى


سوڭعى جاڭالىقتار