توكيو-2020: مەدالدار كەستەسىندە قازاقستان نەشىنشى ورىندا تۇر

None
None
توكيو. قازاقپارات - جاپونيا استاناسى توكيو قالاسىندا ءوتىپ جاتقان وليمپيادا ويىندارىندا 25 شىلدەدەگى مەدالدار ەسەبى جاريالاندى، دەپ حابارلايدى قازاقپارات.

ايتا كەتەيىك، قازىر قازاقستان قۇراماسىنىڭ قورجىنىندا قوس قولا مەدال بار. العاشقىسىن 24 شىلدەدە دزيۋدوشى ەلدوس سمەتوۆ السا، ەكىنشىسىنە بۇگىن، 25 شىلدەدە اۋىر اتلەت يگور سون قول جەتكىزدى. وسىلايشا ەكى مەدال العان ەل قۇراماسىنىڭ جالپى كوماندالىق ەسەپتە قاي ورىنعا جايعاسقانى بەلگىلى بولدى. قازىرگە دەيىن 40 مەملەكەتتەن كەلگەن سپورتشىلار ءبىرتالاي مەدالعا قول جەتكىزىپ ۇلگەردى.

ولاردىڭ اراسىندا 2 قولا مەدال العان گەرمانيا، تۇركيا، ۋكراينا قۇرامالارى 31-34 ورىنداردى ءوزارا ءبولىسىپ تۇر. قازاقستان 31-ورىندى ەنشىلەگەن.

مەدال الۋ جونىنەن قىتاي كوش باستاپ تۇر. ونىڭ ەنشىسىندە 6 التىن، 1 كۇمىس، 4 قولا مەدال بار. توكيو وليمپياداسىنان 25-شىلدەدە مەدال العان ەل قۇرامالارىنىڭ العاشقى وندىقتاعى كەستەسى تومەندەگىشە:

1. قىتاي - 6-1-4

2. جاپونيا - 5-1-0

3. ا ق ش - 4-2-4

4. وڭتۇستىك كورەيا - 2-0-3

5. رەسەي- 1-4-2

6. يتاليا - 1-1-3

7. اۆستراليا- 1-1-1

8. فرانسيا- 1-1-1

9. ۆەنگريا - 1-1-0

10. تۋنيس - 1-1-0 بيىل ءدۇبىرلى دودادا 33 سپورت تۇرىنەن 339 مەدال جيىنتىعى ساراپقا سالىنادى.

ايتۋلى الامانعا جەر بەتىندەگى 206 مەملەكەتتەن 11 مىڭنان استام سپورتشى قاتىسۋدا. قازاقستاندىق 97 سپورتشى كۇنشىعىس ەلىندە سپورتتىڭ 28 تۇرىنەن باق سىنايدى.

ەسكە سالساق، توكيو وليمپياداسى 23-شىلدەدە باستالدى. ول 8-تامىزدا مارەسىنە جەتەدى. بۇعان دەيىن قازاقستان قۇراماسى التى جازعى وليمپيادادا باق سىنادى.

جالپى العاندا 21 التىن، 28 كۇمىس، 64 قولا مەدال الدى.

سوڭعى جاڭالىقتار