قازاقپارات كۇنتىزبەسى: 24- قاراشا

اتاۋلى كۇندەر

ەۆوليۋتسيا كۇنى

الەمنىڭ كوپتەگەن عالىمدارى جىل سايىن 24- قاراشا كۇنى چارلز دارۆين ەڭبەگىنىڭ جاريالانعان كۇنىندە ارنايى مەرەكە - ەۆوليۋتسيا كۇنىن اتاپ وتەدى.

ءدارۆيننىڭ بۇل كىتابى ەۆوليۋتسيالىق بيولوگيانىڭ نەگىزى بولىپ سانالادى، العاش رەت 1859-جىلدىڭ 24- قاراشاسىندا جارىق كورگەن.

ەستە قالار وقيعالار

1992-جىلى اباي اتىنداعى قازاق مەملەكەتتىك پەداگوگيكالىق ۋنيۆەرسيتەتىنىڭ اتاۋى اباي اتىنداعى الماتى مەملەكەتتىك ۋنيۆەرسيتەتى بولىپ وزگەرتىلدى.

2008-جىلى «نۇر مەديا» ج ش س قۇرىلدى، وعان اپتا سايىن تارالاتىن «سترانا ي مير»، «دالا مەن قالا»، «ايقىن»، «ليتەر»، «نۇر استانا»، «يزۆەستيا-كازاحستان»، «تۇركىستان» جانە «قازاقستان تەمىرجولشىسى» سەكىلدى گازەتتەر مەن تانىمال «استانا» تەلەارناسى، «NS» پەن «دەلوۆايا ۆولنا» راديوستانتسيالارى كىردى.

2010-جىلى ورىنبوردا 1917-1920-جىلدارى الاش وردا العاشقى قازاق ۇكىمەتىنىڭ وتىرىسى، I جانە II جالپى قازاق سەزدەرى وتكەن، 1913-1918-جىلدارى «قازاق» گازەتىنىڭ رەداكتسياسى ورنالاسقان، ونىڭ باس رەداكتورى احمەت بايتۇرسىنوۆ تۇرعان ۇيلەردە مەموريالدىق تاقتالاردىڭ سالتاناتتى اشىلۋ ءراسىمى ءوتتى.

مەموريالدىق تاقتالار قازاقستان پرەمەر-ءمينيسترى ك. ءماسىموۆتىڭ باستاماسىمەن جانە رەسەيلىك بيلىكتىڭ قولداۋىمەن ورناتىلدى.

2010-جىلى جاپونيانىڭ ناگويا قالاسىندا قازاقستان رەسپۋبليكاسىنىڭ قۇرمەتتى كونسۋلدىعىنىڭ اشىلۋ سالتاناتى بولىپ ءوتتى. 2010-جىلى ساۋدا-ەكونوميكالىق ىنتىماقتاستىقتىڭ مۇمكىندىكتەرى مەن پەرسپەكتيۆالارىنا قول جەتكىزۋ، ءوزارا ءىس-قيمىلدىڭ ناقتى باعىتتارىن ىزدەستىرۋ ماقساتىن كوزدەيتىن قازاقستان رەسپۋبليكاسى مەن دانيا كورولدىگىنىڭ قارىم-قاتىناستارى تاريحىندا قازاقستاندىق دەلەگاتسيانىڭ العاشقى ساپارى ءوتتى.

2011 -جىلى ا ق ش- تىڭ «Public Broadcasting Service « (PBS) جالپى ۇلتتىق تەلەۆيزيالىق ارناسى بويىنشا ءارقايسىسى 30 مينۋتتان تۇراتىن ءۇش شاعىن سەريادان تۇراتىن «This is America قازاقستانعا كەلەدى» دەرەكتى فيلمى كورسەتىلدى.

فيلم قازاقستاننىڭ ساياسي-ەكونوميكالىق دامۋى، قازاقستان-امەريكا ارىپتەستىگىن نىعايتۋ تاقىرىپتارىن، سونداي-اق ەلدىڭ تاريحىن، مادەني مۇراسىن، ءداستۇرى مەن ونەرىن، ەتنوستىق ءارالۋاندىعىن قامتيدى.

2014 -جىلى الماتى وبلىسى بەساعاش كەنتىندە اتى اڭىزعا اينالعان سپورتشى، قازاقستاندا تاەكۆاندو مەكتەبىنىڭ نەگىزىن قالاۋشى مۇستافا وزتۇرىككە ەسكەرتكىش ورناتىلدى. مۇستافا وزتۇرىك - قازاقستاندا تاەكۆوندو فەدەراتسياسىنىڭ نەگىزىن قالاۋشى، سپورتتىڭ سايىپقىران ساڭلاعى. توقسانىنشى جىلداردىڭ باسىندا قازاق توپىراعىنا العاش تابانى تيگەن مۇستافا ءبىر توپ شاكىرتىمەن شاعىن سپورت سايىسىندا ونەر كورسەتسە، قازىر رەسپۋبليكادا تاەكۆوندو جەكپە-جەگىمەن جيىرما مىڭعا تارتا جاس شۇعىلدانادى.

بۇگىندە ءار ايماق، وبلىستاردا تاەكۆوندو مەكتەپتەرى اشىلعان. ورىمدەي قازاقتىڭ قىز-جىگىتتەرى مۇستافانى ءپىر تۇتادى.

2015-جىلى قازاق جازۋشىسى س. ەلۋبايدىڭ «اقبوز ءۇي» رومانى تۇرىك تىلىندە جارىق كوردى. تۇرىك تىلىندە «Arasat Meydany « دەگەن اتپەن جارىق كورگەن روماندا 1930-1934-جىلدارى ەلىمىزدە بولعان قاسىرەت مازمۇندالعان.

2015 -جىلى تارازدا جاڭا مەشىت اشىلدى. ونىڭ قاسبەتى اشىلعان قۇران تۇرىندە سالىنعان. قالانىڭ ورتالىق بولىگىندە، «قاراحان كەسەنەسى» ەجەلگى تاريحي ەسكەرتكىشىنىڭ ماڭىندا سالىنعان مەشىت قازاق حاندىعىنىڭ 550 جىلدىعىنا ازىرلىك بارىسىندا قۇرىلعان «قاراحان اللەياسى» ساۋلەتتىك كەشەنىمەن ءساتتى ۇيلەسىم تاپتى. عيماراتتىڭ قاسبەتتىك بولىگىن ساۋلەتشىلەر بىرەگەي - اشىلعان قۇران كىتابى تۇرىندە ايشىقتاعان.

2016 -جىلى سانكت-پەتەربۋرگتا قازاقتىڭ كورنەكتى قوعام جانە ساياسي قايراتكەرى، الاشوردا ۇكىمەتىنىڭ باسشىسى، رەسەيدىڭ تۇڭعىش مەملەكەتتىك دۋماسىنىڭ دەپۋتاتى (1906 ج.) ءاليحان بوكەيحانوۆتىڭ بيۋستىن ت م د- عا قاتىسۋشى مەملەكەتتەردىڭ پارلامەنتارالىق اسسامبلەياسىنا تارتۋ ەتۋ سالتاناتى بولدى. بيۋست رەسەيدىڭ العاشقى دۋماسىنىڭ وتىرىسى وتكەن تاۆريا سارايىنداعى ت م

د پارلامەنتارالىق اسسامبلەياسىنىڭ شتاب- پاتەرىنە قويىلدى. ءمۇسىندى جاساعان ءومىرزاق شاڭوۆ.

2017-جىلى فينليانديانىڭ استاناسى حەلسينكىدە QazFinnTec جاسىل تەحنولوگيالار بويىنشا قازاق-فين ورتالىعى اشىلدى. جەكەلەگەن فين كومپانيالارىنىڭ، ق ر- نىڭ حەلسينكىدەگى ەلشىلىگىنىڭ قولداۋىمەن ەكونوميكالىق ديپلوماتيا اياسىندا قۇرىلعان ورتالىق فين تەحنولوگياسىن پايدالانا وتىرىپ، قازاقستاندا جاڭا جوبالاردى جۇزەگە اسىرۋعا باعىتتالعان.

جالپى، ماسەلە جاڭارتىلعان ەنەرگيا كوزدەرىن پايدالانۋ، تۇرمىستىق قالدىقتاردى بيوگازعا اينالدىرۋ، اقپا سۋلاردى تازارتۋ مەن وزگەدە سالالاردى قامتىپ وتىر.

2017 -جىلى قازاقستاندىق وقۋشى العاش رەت ا ق ش- تىڭ National Honor Society - ۇلتتىق قۇرمەت قوعامىنىڭ مۇشەسى اتاندى. بۇل امەريكادا ۇزدىك وقۋشىلاردى بىرىكتىرەتىن مەكتەپ ۇيىمى. نيۋ- دجەرسي شتاتىنداعى 12-سىنىپ وقۋشىسى دانا بيجانوۆا بۇل قۇرمەتكە وقۋداعى جەتىستىكتەرى، كوشباسشىلىق قاسيەتتەرى جانە ۆولونتەرلىك قىزمەتى ءۇشىن لايىقتى دەپ تانىلدى.

2018 -جىلى ەلباسى ن. نازاربايەۆتىڭ «ۇلى دالانىڭ جەتى قىرى» ماقالاسى تۇرىك، قىرعىز جانە ازەربايجان تىلدەرىنە اۋدارىلدى.

2019 -جىلى اتىراۋ قالاسىندا نۇرلان بالعىمبايەۆ اتىنداعى دامۋ جانە كوممۋنيكاتسيالار ورتالىعى اشىلدى. بۇل زاماناۋي ءبىلىم بەرۋ ورتالىعى جاس ۇرپاققا قاجەتتى كاسىبي ءبىلىم الۋعا جانە ەلىمىزدىڭ يگىلىگى ءۇشىن ەڭبەك ەتۋگە مۇمكىندىك بەرەدى.

جوبا اۆتورلارى اتاپ وتكەندەي، مۇنداي ورتالىقتار تمد ەلدەرىندە تەك گۋبكين اتىنداعى رەسەي مەملەكەتتىك مۇناي جانە گاز ۋنيۆەرسيتەتى مەن «يننوپوليس» ۋنيۆەرسيتەتىندە ورنالاسقان. ءبىراق، اتىراۋداعى ورتالىق زاماناۋي تەحنولوگيامەن جابدىقتالۋ تۇرعىسىنان الدەقايدا باسىم تۇسەدى.