تاۋەلسىزدىكتىڭ 30 جىلدىعى 30 كۇن بويى تويلانادى - مينيستر
مادەنيەت جانە سپورت ءمينيسترى اقتوتى رايىمقۇلوۆا حالىق الدىندا ەسەپ بەرۋ كەزدەسۋىندە وسى 30 كۇندە قانداي شارالار وتەتىنىن اتادى.
«تاۋەلسىزدىكتىڭ 30 جىلدىعىن مەرەكەلەۋدىڭ سوڭعى كەزەڭى «ۇلى دالا ەلى - تاۋەلسىزدىكتىڭ 30 نەگىزى» اتتى 30 جۇلدىزدى كۇن بولماق. ونىڭ اياسىندا مادەنيەت ۇيىمدارىنىڭ كۇندەرى باستالادى. كۇن سايىن ونەردىڭ بارلىق جانرىنداعى جاڭا تۋىندىلاردىڭ تۇساۋكەسەرلەرى وتەدى. جىل بويى ونەردىڭ ۇزدىك ۇلگىلەرىن جاساۋعا، بۇقارالىق سپورت پەن ىشكى ءتۋريزمدى دامىتۋعا جانە ولاردى ودان ءارى ىلگەرىلەتۋگە باعىتتالعان يدەولوگيالىق- مازمۇندى جانە ساپالى شارالاردى وتكىزۋ جوسپارلانعان»، - دەيدى ۆەدومستۆو باسشىسى.
سونداي-اق، ول بيىل «ۇلتتىق دومبىرا كۇنى» ەرەكشە اتالىپ وتەتىنىن، ەلوردا كۇنى قارساڭىندا بارلىق ءوڭىردىڭ مادەنيەت جانە ونەر قايراتكەرلەرى «سالەم، ەلوردا!» اتتى فەستيۆالگە قاتىساتىنىن ءمالىم ەتتى.