13:46, 29 - ناۋرىز 2020 | GMT +6
كوروناۆيرۋس جۇقتىرعانداردىڭ ءارقايسىسى 30-50 اداممەن بايلانىستا بولعان
نۇر- سۇلتان. قازاقپارات - ەلوردادا كوروناۆيرۋس ينفەكسياسىنىڭ تارالۋىنا جول بەرمەۋ باعىتىندا ۇلكەن جۇمىس اتقارىلىپ جاتىر.
بۇل تۋرالى نۇر- سۇلتان قالاسىنىڭ قوعامدىق دەنساۋلىق ساقتاۋ باسقارماسىنىڭ باسشىسى ساۋلە قيسىقوۆا ايتتى، دەپ حابارلايدى قازاقپارات ءتىلشىسى.
«اۋرۋ جۇقتىرعان ادامدارمەن بايلانىستا بولعانداردى انىقتاۋ بەلسەندى تۇردە جۇرگىزىلىپ جاتىر. كوروناۆيرۋستىق ينفەكسيانى تاسىمالداۋشى ەكەنى انىقتالعانداردىڭ ءارقايسىسى كەمىندە 30-50 اداممەن بايلانىستا بولعان. ولاردى وقشاۋلاۋ بويىنشا جۇمىس جۇرگىزىلىپ جاتىر. بۇل ادامدار اتالعان ينفەكسيانى بەلسەندى تاسىمالداۋشى بولىپ سانالمايدى. قازىرگى ۋاقىتتا ولاردى اۋرۋحاناعا جاتقىزۋ جۇمىستارى باستالدى» ، - دەيدى ساۋلە قيسىقوۆا حابار24 ارناسىندا وتكەن ونلاين بريفينگتە.