سەگىز جاسار بالا سالماعى 300 كەلىدەن اساتىن اكۋلانى اۋلاپ الدى

بۇل تۋرالى Stan.kz اقپارات اگەنتتىگى Daily Mail باسىلىمىنا سىلتەمە جاساپ حابارلايدى.

 دجەيدەن ميللاۋرو اكەسى دجوناتان جانە كەمە كاپيتانىمەن بىرگە سيدنەيدىڭ وڭتۇستىگىندە بالىق اۋلاپ جۇرگەن. وسى كەزدە ول الىپ جولبارىس اكۋلانى ۇستاپ الىپتى. بالىقشىلار توبى جاعاعا ورالعاننان كەيىن، اۋعا تۇسكەن اكۋلانىڭ رەكورد ورناتۋى مۇمكىن ەكەنىن بىلەدى.

 ميللاۋرو ەكى جاسىنان بەرى بالىق اۋلاۋمەن اينالىسادى ەكەن. ول مۇنداي الىپ بالىقتى اۋلاۋ ءوزى ءۇشىن ۇلكەن جەتىستىك ەكەنىن ايتادى.

 بۇعان دەيىنگى رەكورد بالىقشى يان حيسسەيگە تيەسىلى. ول 1997 -جىلى سالماعى 312 كەلى بولاتىن جولبارىس اكۋلانى اۋلاپتى. ەر ادام بالىق اۋلاۋ بويىنشا رەكوردتاردى باقىلايتىن حالىقارالىق قاۋىمداستىقتا اۋلاعان بالىعىنىڭ ولشەمدەرىن تىركەتكەن.

 جولبارىس اكۋلا ادامدار ءۇشىن وتە قاۋىپتى سانالادى. ادەتتە ولاردىڭ ۇزىندىعى 4,25 مەترگە، ال سالماعى 635 كەلىگە دەيىن جەتەدى.