قىزىلوردادا قورادان 300 تۇك ءشوپ ۇرلاندى

قىزىلوردا قالالىق پوليتسيا باسقارماسىنا ارىزدانعان ازاماتشا 16-22 -اقپان كۇندەرى ارالىعىندا ۇيىندە ەشكىم بولماعانىن ايتىپ، بەلگىسىز بىرەۋلەر ۇرلىق جاساعانىن ايتقان. ۇيگە پلاستيك تەرەزە ارقىلى كىرىپ، سۋ موتورى جانە قوراسىنان 300 دانا پرەستەلگەن ءشوبىن الىپ كەتكەن.

«جەدەل ىزدەستىرۋ جۇمىستارى ناتيجەسىندە پوليتسەيلەر 47 جاستاعى اۋىل تۇرعىنىن كۇدىكتى رەتىندە ۇستادى. ول ازاماتتىڭ موتور مەن پرەستەلگەن ءشوپتى كولىگىنە تيەپ الىپ كەتكەندىگى انىقتالدى»، - دەپ ءمالىم ەتتى قىزىلوردا وبلىستىق پوليتسيا دەپارتامەنتىنەن.

ۆەدومستۆو مالىمەتىنشە، اتالعان دەرەك بويىنشا ق ر قىلمىستىق كودەكسىنىڭ 188 - بابىنىڭ 3-بولىگىمەن تەرگەپ- تەكسەرۋ امالدارى جۇرگىزىلۋدە. وندا ءۇي- جايعا، قويماعا نە كولىك قۇرالىنا زاڭسىز كىرۋمەن جاسالعان ۇرلىق جاعدايى كورسەتىلگەن. وقيعانىڭ ءمان- جايى انىقتالۋدا. ەسكە سالا كەتەلىك، بۇدان بۇرىن قىزىلوردادا سۋ كانالىنان 3 ميلليون تەڭگەنىڭ شليۋزدارى ۇرلاندى.