ەلگە ۋاقىتشا اكەلىنگەن كولىكتەر 30 - قىركۇيەككە دەيىن شىعارىلۋى كەرەك – كوميتەت

None
None
نۇر- سۇلتان. قازاقپارات - قازاقستانعا ۋاقىتشا اكەلىنگەن اۆتوكولىكتەردىڭ يەلەرى ولاردى 30 -قىركۇيەككە دەيىن شىعارۋى كەرەك، دەپ حابارلايدى قازاقپارات مەملەكەتتىك كىرىستەر كوميتەتىنە سىلتەمە جاساپ.

ۆەدومستۆونىڭ مالىمدەۋىنشە، بۇل مەرزىم ەۋرازيالىق ەكونوميكالىق وداقتىڭ كەدەندىك اۋماعىنا شەتەل ياعني ءۇشىنشى مەملەكەتتەردەن جەكە تۇلعالار ءوز قاجەتتىلىگى ءۇشىن ۋاقىتشا اكەلگەن اۆتوموبيلدەر مەن باسقا دا كولىك قۇرالدارىنا قاتىستى.

«اتالعان مەرزىم ەۋرازيالىق ەكونوميكالىق كوميسسيا كەڭەسىنىڭ 2021 -جىلعى 5-ساۋىردەگى № 25 شەشىمىمدە كورسەتىلگەن. بۇل شەشىم وداقتىڭ كەدەن اۋماعىندا بولۋ ۋاقىتىنىڭ پاندەمياعا بايلانىستى 18 ايعا ۇزارتىلعان مەرزىمىن توقتاتتى. وسىعان دەيىن وداققا تۇراقتى تۇرۋ ءۇشىن كوشىپ كەلگەن شەت ەل ازاماتتارىنىڭ، بوسقىنداردىڭ، ءماجبۇرلى تۇردە كوشىپ كەلۋشىلەردىڭ وداقتىڭ كەدەن اۋماعىنا باج الىمىنسىز جەكە مۇلىگىنىن الىپ كەلۋگە قاتىستى جەڭىلدىك بولعان»، دەلىنگەن حابارلامادا.

كوميتەتتىڭ تۇسىندىرۋىنشە، كولىك 30-قىركۇيەككە دەيىن اكەتىلمەگەن جاعدايدا كەدەن تولەمدەرى مەن سالىق تولىق كولەمدە تولەنۋى ءتيىس.


سوڭعى جاڭالىقتار