تۇركيادا تۇركى تىلدەس ەلدەر تاۋەلسىزدىگىنىڭ 30 جىلدىعىنا ارنالعان كونسەرت ءوتتى
«تۇركيانىڭ تانىمال بيلكەنت سيمفونيالىق وركەسترى جاڭا ماۋسىمداعى كونسەرتىن تۇركى الەمى ونەرپازدارىمەن بىرگە باستادى. حالىقارالىق تۇركسوي ۇيىمىمەن بىرلەسكەن جوبا اياسىندا جورجا بيزەنىڭ «كارمەن» وپەراسى ساحنالاندى. بۇل مادەني ءىس- شارانى تۇركى مادەنيەتى حالىقارالىق ۇيىمى باۋىرلاس ەلدەر تاۋەلسىزدىگىنىڭ 30 جىلدىعىنا ارناپ وتىر. ازەربايجاندىق ەلشاد باگيروۆ ديريجەرلىك ەتكەن كونسەرتكە «دارىن» مەملەكەتتىك جاستار سىيلىعىنىڭ لاۋرەاتى جەرلەسىمىز راسۋل جارماعامبەتوۆ تە قاتىستى»، - دەپ ءمالىم ەتتى قازاقستاننىڭ تۇركسوي- داعى وكىلى باقىتجان وماروۆ.
ونىڭ اتاپ وتۋىنشە، كونتسەرتتە وزبەكستان، تۇركيا، باشقۇرتستان انشىلەرى دە ونەر كورسەتكەن.
«پاندەميا كەزىندە وپەرانى ساعىنعان حالىق كونتسەرت زالىن لىق تولتىردى. ماۋسىمنىڭ اشىلۋىنا 3 مىڭعا جۋىق كورەرمەن قاتىستى»، - دەدى ول.