قىتايدا قارت اتا-انا جوعالعان ۇلىن 38 جىلدان كەيىن تاپتى

None
None
نۇر-سۇلتان. قازاقپارات - قىتايدا قارت اتا-انا جوعالعان ۇلىن 38 جىلدان كەيىن تاپتى، - دەپ حابالايدى Lenta.ru c سايتىنا سىلتەمە جاساپ.

Daily Mail باسىلىمىنىڭ مالىمەتىنشە، وقيعا شانشي پروۆينسياسىنداعى اۋىلداردىڭ بىرىندە بولعان. ەرلى-زايىپتى بالاسىمەن بىرگە باقىتتى عۇمىر كەشىپ جاتقان. الايدا 1982 -جىلدىڭ 12-مامىرىندا ولاردىڭ 2 جاستاعى جين شۋي ەسىمدى ۇلى جوعالىپ كەتكەن. وقىس وقيعا بولاتىن ءتۇنى وتاعاسى سۋ بيندە تۋىسىنا قوناققا بارعان. ول تۇنگە دەيىن كەلەمىن دەپ ويلاپ، ءۇيدىڭ ەسىگىن بەكىتپەگەن. وندا ايەلى حۋان جەنسيۋ، ۇلى مەن قىزى بولعان. ەرتەڭىندە ايەلى قاسىندا ۇيىقتاپ جاتقان ۇلى جين شۋيدىڭ جوعالىپ كەتكەنىن انىقتاعان. اۋىل تۇرعىندارى بالانى ىزدەگەنىمەن ونى تابا الماعان.

سۋ بيندە ۇلى تۋرالى قانداي دا ءبىر اقپارات الۋ ءۇشىن باسقا قالالارعا بارعان. ول اقشا ۇنەمدەۋ ماقساتىندا كولىككە وتىرماي جاياۋ جۇرگەن. قايعىدان قان جۇتقان انا كۇيزەلىسكە تۇسكەن. جەرگىلىكتى پوليتسيا تەرگەۋدى باستاعانىمەن ءىس اشىلماپتى.

تەك 38 جىلدان كەيىن عانا ءتارتىپ ساقشىلارى 70 جاستاعى اتا-اناعا ولاردىڭ ۇلى تابىلعانىن حابارلاعان. پوليتسيا ۇلتتىق دەرەكقورداعى د ن ق ۇلگىلەرىن سالىستىرۋ ارقىلى 40 جاستاعى جين شۋيدى تاۋىپتى. ول اتا-اناسىنان مىڭداعان شاقىرىم جەردە تۇرعان. ونىڭ ايەلى مەن بالاسى بار ەكەن. ول ەسىمىن لي گۋولين دەپ وزگەرتىپتى.

Tengrinews.kz


سوڭعى جاڭالىقتار