ءبىر اپتادا 40 مىڭ ادام جول ەرەجەسىن بۇزدى

نۇر-سۇلتان. قازاقپارات - ق ر ىشكى ىستەر مينيسترلىگى وتكەن اپتادا جۇرگىزىلگەن «قاۋىپسىز جول» جەدەل الدىن الۋ شاراسىن قورىتىندىلادى، دەپ حابارلايدى قازاقپارات ءتىلشىسى.

«جول قوزعالىسىن قاداعالاۋ بارىسىندا 40577 ءتارتىپ بۇزۋ فاكتىسى، ونىڭ ىشىندە 340 اۆتوكولىكتى ماس كۇيىندە باسقارۋ، 3564 - جىلدامدىقتى شامادان تىس ارتتىرۋ، 126 - جولدىڭ قارسى بەتىنە شىعىپ كەتۋ، 836 - باعدارشامنىڭ تىيىم سالۋ بەلگىسىنە قاراماي ءوتىپ كەتۋ بولدى»، - دەدى ق ر ىشكى ىستەر مينيسترلىگىنىڭ رەسمي وكىلى ءنۇردىلدا وراز مينيسترلىكتە وتكەن ونلاين بريفينگتە. 239 جۇرگىزۋشى تەمىر جول بولىگىنەن ءوتۋ ءتارتىبىن بۇزعان، ال جاياۋ جۇرگىنشىلەر اراسىندا 5921 ەرەجە بۇزۋشىلىعى انىقتالدى.

«وعان قوسا، 701 قوعامدىق كولىك جۇرگىزۋشىلەرىنىڭ جول ەرەجەسىن بۇزعانى انىقتالدى. شارا بارىسىندا 2864 شاقىرىم جول قاۋىپتى ۋچاسكە انىقتالدى، 426 جول بەلگىسى قويىلدى»، - دەيدى رەسمي وكىل.

ايتا كەتەيىك، 26-قاراشا كۇنى ق ر ىشكى ىستەر مينيسترلىگى، اۋماقتىق ورگاندار مەن ىشكى ىستەر بولىمشەلەرى جانە قىلمىستىق-اتقارۋ جۇيەسى دەپارتامەنتتەرى العاش رەت «ZOOM» پلاتفورماسى ارقىلى ازاماتتاردى ءبىرىڭعاي قابىلداۋ كۇنىن وتكىزەدى.

اۆتور: ايجان سەرىكجان قىزى