قازاقستاندا ۆاكسينانىڭ ەكى دوزاسىن العان 44 ادام كوروناۆيرۋس جۇقتىرعان

بۇل تۋرالى ق ر د س م قوعامدىق دەنساۋلىق ساقتاۋ ۇلتتىق ورتالىعىنىڭ «سانيتاريالىق- ەپيدەميولوگيالىق ساراپتاما جانە مونيتورينگ عىلىمي- پراكتيكالىق ورتالىعى» فيليالى ديرەكتورىنىڭ ورىنباسارى مانار سماعۇل ايتتى، دەپ حابارلايدى قازاقپارات ءتىلشىسى.

«قازاقستاندا ۆاكسينانىڭ ەكىنشى كوپونەنتىن العاننان كەيىن 44 ادام اۋىرىپ قالعان. بۇل - رەسمي مالىمەت. COVID-19 - عا قاتىستى ءاربىر جاعداي تەكسەرىلەدى»، - دەدى م. سماعۇل ورتالىق كوممۋنيكاتسيالار قىزمەتىندە.

ءوز كەزەگىندە قازاقستان رەپرودۋكتيۆتى مەديتسينا قاۋىمداستىعىنىڭ پرەزيدەنتى، قازاقستاننىڭ باس رەپرودۋكتولوگى ۆياچاسلاۆ لوكشين ۆاكسينا العاننان كەيىن انتيدەنەلەردىڭ قالىپتاسۋىنىڭ ءتيىستى مەرزىمى بولاتىنىن ايتتى.

«مەن ءبىرىنشى ۆاكسينادان (ءبىرىنشى كومپونەنت) كەيىن ىندەتكە شالدىقتىم. بۇعان ۆاكسينانىڭ قاتىسى جوق. ەكپەدەن كەيىنگى انتيدەنەلەر بەلسەندى قالىپتاسۋى 21- كۇندە بولادى. بۇل رەتتە ىندەت ۆاكسينا العانعا دەيىنگى كەزەڭدە جۇققان بولىپ تۇر. سوندىقتان ەكى دوزانى العاننان كەيىن ىندەتتەن قورعانا الادى»، - دەدى عالىم.

وسى ورايدا ول ۆاكسينانىڭ كۇشى 21- كۇننەن باستالاتىنىن ايتتى.

«بۇل تۇرعىدا ءوزىم سياقتى ىندەت جۇقتىرعان ادامدارمەن پىكىر الماستىم. اتاپ ايتقاندا، ەكى كومپونەتتەن تۇراتىن تولىق ۆاكسينالاۋدان ءوتۋ كەرەكتىگىن تۇسىنگەن ءجون»، - دەدى ۆياچاسلاۆ لوكشين.

اۆتور: رۋسلان عابباسوۆ