كوروناۆيرۋس تۋرالى جالعان حابار تاراتقان 45 ادام جاۋاپقا تارتىلدى

None
None
نۇر- سۇلتان. قازاقپارات – ق ر ىشكى ىستەر ءمينيسترى ەرلان تۇرعىمبايەۆ جالعان حابار تاراتقانداردى جاۋاپقا تارتۋ جۇمىستارى جونىندە باياندادى، دەپ حابارلايدى قازاقپارات.

«كەي تۇرعىنداردىڭ ادەيى جالعان اقپارات تاراتۋى فاكتىلەرى جالعاسۋدا. فەيك جاڭالىق اۆتورلارى ناقتى ەلدىمەكەندەر مەن مەديتسينالىق ۇيىمداردىڭ اتىن جازىپ، اۋرۋ جۇقتىرىپ، قايتىس بولعانداردىڭ سانىن ويلاپ تابادى جانە جوق تىيىمداردى ايتادى. 25 - ناۋرىز كۇنى كوكشەتاۋ قالاسىندا كورەيادان اۋرۋ جۇقتىرىپ كەلگەن ناۋقاستاردىڭ اقمولا وبلىسىندا جاتقانى تۋرالى جالعان حابار تاراتقان توپ ۇستالدى»،- دەدى مينيستر ورتالىق كوممۋنيكاتسيالار قىزمەتىندە وتكەن بريفينگىدە. 29 - ناۋرىزدا اتىراۋ وبلىسىندا الەۋمەتتىك جەلىدە تارالعان 3 جالعان اقپارات تابىلدى.

«جالعان اڭگىمەلەردى تاراتۋ ارقىلى بۇل ادامدار حالىقتى ۇرەيلەندىرىپ ءجۇر. قازىرگى ۋاقىتتا جالعان حابار تاراتۋ بويىنشا 45 فاكتى انىقتالدى. بارلىق كىنالىلەر تابىلىپ، سوتقا دەيىنگى تەرگەۋ ءجۇرىپ جاتىر» ، - دەدى ە. تۇرعىمبايەۆ.

بۇعان دەيىن مينيستر الماتى مەن نۇر- سۇلتان قالالارىنا زاڭسىز كىرمەك بولعان 33 ادام جاۋاپقا تارتىلعانىن حابارلاعان ەدى. سونداي- اق، زاڭسىز شىعارىلىپ، تۇرعىندارعا قىمبات باعامەن ساتىلعان 2 ميلليون مەديتسينالىق ماسكا، 4 مىڭ قورعانىس كوستيۋمى جانە 10 توننا دەزينفەكسيالىق قۇرال تاركىلەندى.


سوڭعى جاڭالىقتار