كوروناۆيرۋس: پوليتسيا ناۋقاستارمەن بايلانىستا بولۋى ىقتيمال 47 ادامدى ىزدەستىرىپ جاتىر

بۇل تۋرالى ق ر ىشكى ىستەر ءمينيسترى ەرلان تۇرعىمبايەۆ ايتىپ بەردى، دەپ حابارلايدى قازاقپارات.

«باستاپقى كۇندەردەن بەرى پوليسەيلەر مەن اسكەريلەر دە دارىگەرلەرمەن ءبىر قاتاردا الدىڭعى شەپتە قىزمەت ەتىپ كەلەدى. كارانتين اۋماعىندا اۋرۋ وشاقتارىن وقشاۋلاۋ بويىنشا ارنايى شارالار جۇرگىزىلدى»،- دەپ اتاپ ءوتتى مينيستر ورتالىق كوممۋنيكاتسيالار قىزمەتىندە وتكەن بريفينگتە.

ونىڭ ايتۋىنشا، قازىرگى ۋاقىتتا 31 نىسان قورشاۋعا الىنعان. ولاردىڭ اراسىندا تۇرعىن ۇيلەر، جەكە كىرەبەرىستەر جانە جاتاقحانالار بار. «كوروناۆيرۋس ينفەكسياسىن جۇقتىرعان ناۋقاستارمەن بايلانىستا بولۋى ىقتيمال تۇلعالاردى ىزدەستىرىپ، مەديتسينالىق مەكەمەگە جەتكىزىپ جاتىرمىز. دەنساۋلىق ساقتاۋ ورگاندارىنىڭ سۇرانىسىمەن 3800 ادام ىزدەستىرىلدى. قازىر 47 ادامنىڭ ورنالاسقان جەرى انىقتالۋدا» ، - دەدى ە. تۇرعىمبايەۆ.