15:25, 18 - قازان 2021 | GMT +6
الماتى اۋەجايىندا 47 جاستاعى ەر ادام پوليتسەيدىڭ ار- نامىسىنا تيگەنى ءۇشىن ۇستالدى
الماتى. قازاقپارات - الماتى قالاسىنىڭ اۋەجايىندا پوليتسيا الماتى قالاسىنىڭ 47 جاستاعى تۇرعىنىنىڭ بيلىك وكىلىن قورلاۋ فاكتىسى بويىنشا قىلمىستىق ءىستى تەرگەۋدە.
ول ماس كۇيىندە اينالاسىنداعىلارعا قوقان- لوقى جاساپ، زاڭدى تالاپتارعا باعىنباعان، سونداي-اق پوليتسيا قىزمەتكەرىن بالاعاتتاعان، دەپ حابارلايدى قازاقپارات كولىكتەگى پوليتسيا دەپارتامەنتىنىڭ باسپا ءسوز قىزمەتىنە سىلتەمە جاساپ.
اتالعان فاكت ق ر ق ك 378-بابىنىڭ 2-تارماعى (بيلىك وكىلىن جاريا تۇردە قورلاۋ) بويىنشا سوتقا دەيىنگى تەرگەپ- تەكسەرۋدىڭ ءبىرىڭعاي تىزىلىمىندە تىركەلگەن. تەرگەۋ امالدارى جۇرگىزىلىپ جاتىر.
ايتا كەتەيىك، جىل باسىنان بەرى كولىكتەگى پوليتسيا دەپارتامەنتى قىزمەتتىك مىندەتتەرىن ورىنداۋ كەزىندە پوليتسيا قىزمەتكەرلەرىنە ءتىل تيگىزۋگە، باعىنباۋعا جانە كۇش قولدانۋعا قاتىستى 20 فاكتىنى تىركەدى. جوعارىدا اتالعان بارلىق قىلمىستىق قۇقىق بۇزۋشىلىق فاكتى بويىنشا ماتەريالدار سوتقا جولداندى.
اۆتور: اياۋلىم التىنبەك