13:12, 08 - جەلتوقسان 2019 | GMT +6
استانادا تاۋەلسىزدىك كۇنىنە وراي 4 كۇن بويى ازىق- تۇلىك جارمەڭكەسى وتەدى
نۇر- سۇلتان. قازاقپارات - تاۋەلسىزدىك كۇنىنە وراي 14-17 - جەلتوقسان ارالىعىندا نۇر- سۇلتاندا اۋىل شارۋاشىلىق ونىمدەرىنىڭ جارمەڭكەسى وتەدى، دەپ حابارلايدى قازاقپارات قالا اكىمدىگىنىڭ رەسمي سايتىنا سىلتەمە جاساپ.
جارمەڭكەدە وڭتۇستىك ايماقتاردان - جەمىس- كوكونىس، قاراعاندى، اقمولا وبلىستارىنان - ءسۇت ونىمدەرى، سيىر، جىلقى جانە قۇس ەتى، شىعىس قازاقستان وبلىسىنان - بالىق ونىمدەرى جانە پاۆلودار وبلىسىنان - كارتوپ وندىرۋشىلەر باعاسىمەن ساتىلادى.
قىسقى جارمەڭكەلەر «ۇلجان»، «كوك بازار»، «شاپاعات» بازارلارى، ساۋران كوشەسى، 7 مەكەن- جايىندا جانە «سمولل» ، «ماگنۋم Cash جانە Carry » سۋپەرماركەتتەرىندە وتەدى.
ەستەرىڭىزگە سالساق، 2019 -جىلدىڭ 23 - قاراشاسىنان باستاپ قىستىڭ سوڭىنا دەيىن اپتا سايىن ءار سەنبى جانە جەكسەنبى كۇندەرى ش. ءۋاليحانوۆ جانە اعىباي باتىر كوشەلەرىنىڭ قيىلىسىنداعى «زەيد» ساۋدا ۇيىندە، سونداي- اق قوشقاربايەۆ، 37 مەكەنجايىندا ورنالاسقان «اسپان بازار» ساۋدا ورتالىعىندا اۋىلشارۋاشىلىق جارمەڭكەلەرى ءوتىپ ءجۇر.