رەسەي استاناسىندا كوروناۆيرۋس جۇقتىرعان تاعى 4 ادام كوز جۇمدى

None
None
ماسكەۋ-قازاقپارات - رەسەي استاناسىندا كوروناۆيرۋس جۇقتىرعان جانە سوزىلمالى دەرتكە شالدىققان تاعى 4 ادام قايتىس بولدى، دەپ حابارلايدى قازاقپارات رەسەيلىك ت ا س س اگەنتتىگىنە سىلتەمە جاساپ.

بۇل تۋرالى ماسكەۋدەگى كوروناۆيرۋسپەن بايلانىستى جاعدايدى باقىلاۋ مەن مونيتورينگىلەۋ جونىندەگى جەدەل شتابتىڭ Telegram-ارناسىنان حابارلانعان.

«ماسكەۋدە 4 پاتسيەنت قايتىس بولدى. ولارعا «پنيەۆمونيا» دياگنوزى قويىلعان جانە كوروناۆيرۋس جۇقتىرعانى دا انىقتالدى. مارقۇمداردىڭ جاسى 76 مەن 86 نىڭ ارالىعىندا. ولاردىڭ بارلىعى جۇرەك-قانتامىرلارىنىڭ سوزىلمالى دەرتىنە شالدىققان»، - دەدى شتاب وكىلدەرى.

سونىمەن قاتار قايتىس بولعانداردىڭ سوزىلمالى پيەلونەفريت، دەمىكپە، ميدىڭ سوزىلمالى يشەمياسى سياقتى اۋرۋمەن اۋىرعاندارى دا بەلگىلى بولدى.

ەكى ادامدا قانت ديابەتى بولعان. پاتسيەنتتەردىڭ ەكەۋى تىنىس الۋ اپپاراتىنا قوسىلعان. ت ا س س اگەنتىگىنىڭ جەدەل شتاب مالىمەتتەرىنە سىلتەمە جاساپ حابارلاۋىنشا، ماسكەۋدە وسىعان دەيىن كوروناۆيرۋس جۇقتىرعان جانە وزگە دە اۋرۋلارى بار 7 ازامات قايتىس بولدى.

ماسكەۋدە ۆيرۋستان قايتىس بولعانداردىڭ جالپى سانى 11 ادامدى قۇراپ وتىر.

سوڭعى جاڭالىقتار