الماتى وبلىسىندا تابيعاتقا زيان كەلتىرگەن 500 دەن استام ادام جازالاندى

الماتى وبلىسىنىڭ پوليتسەيلەرى تابيعات قورعاۋ زاڭناماسىنىڭ تالاپتارىن ساقتاۋدى قامتاماسىز ەتۋ جانە براكونەرلىكتىڭ الدىن الۋ شارالارى بارىسىندا 2020-جىلدىڭ ءبىرىنشى جارتىجىلدىعىندا 573 قۇقىق بۇزۋشىلىقتى اشكەرەلەگەن.

اتالعان دەرەكتەر بويىنشا 500 دەن استام اكىمشىلىك حاتتاما تولتىرىلىپ، 70 قىلمىستىق ءىس قوزعالعان.

«جىل باسىنان بەرى 503 تۇلعانىڭ اكىمشىلىك جاۋاپكەرشىلىگى قاراستىرىلدى. ولاردىڭ باسىم بولىگى زاڭسىز اڭ جانە بالىق اۋلاۋعا جول بەرگەن. 70 تۇلعانىڭ زاڭسىز ارەكەتىنە قاتىستى قىلمىستىق ءوندىرىس قوزعالدى. تەرگەۋ بارىسىندا قۇقىق بۇزۋشىلاردىڭ تابيعاتقا كەلتىرگەن زالالدارى ەسەپتەلىپ، سوت شەشىمىمەن ولاردى مەملەكەت پايداسىنا وتەۋ قاراستىرىلادى»، - دەدى وبلىستىق پ د جەرگلىكىتى پوليتسيا قىزمەت باسقارماسى باستىعىنىڭ ورىنباسارى پوليتسيا مايورى مەيىر دەمەۋبايەۆ.

پوليتسيا وكىلىنىڭ ايتۋىنشا، تابيعات قورعاۋ زاڭناماسى تالاپتارىنىڭ بۇزىلۋىن انىقتاۋ ماقساتىندا ءتارتىپ ساقشىلارى ارنايى ءىس-شارالار ۇيىمداستىرىپ، تابيعات بايلىقتارىنا قول سۇعۋشىلاردىڭ ارەكەتتەرىن اشكەرەلەيدى.

«تابيعي بايلىقتارىمىزعا زالال اكەلەتىن براكوەرلەردىڭ جولىن كەسۋ ءۇشىن «براكونەر»، «شەكارا»، «ۋىلدىرىق شاشۋ» جانە ت. ب. جەدەل الدىن الۋ شارالارى تۇراقتى ۇيىمداستىرىلادى. وسىنداي ناتيجەلى شارا بارىسىندا بيىلعى تىركەلگەن اكىمشىلىك قۇقىق بۇزۋشىلىقتىڭ 92,8 پايىزى، ال قىلمىستىق قۇقىق بۇزۋشىلىقتىڭ 42,8 پايىزى اشكەرەلەندى»، - دەپ تولىقتىردى مايور مەيىر دەمەۋبايەۆ.