17:48, 16 - قازان 2019 | GMT +6
الەمنىڭ ەڭ قىمبات فۋتبولشىسى 50 ميلليون ەۋرو جالاقىدان باس تارتتى
نۇر-سۇلتان. قازاقپارات - فرانسيالىق «پاري سەن- جەرمەن» فورۆاردى كيليان مباپپە كلۋبتىڭ جىلىنا 50 ميلليون ەۋرو ەڭبەكاقىسىنان باس تارتتى.
باسىلىم مالىمەتىنشە، پاريجدىك كلۋب باسشىلىعى فۋتبولشىعا 2024 -جىلعا دەيىن كەلىسىمشارت ۇسىنعان. الايدا 20 جاستاعى مباپپە «رەالعا» اۋىسۋدى ويلاعاندىقتان، ۇسىنىستى قابىل الماعان.
مادريدتىك كلۋب مباپپە ءۇشىن پ س ج- عا 280 ميلليون ەۋرو ۇسىنباق ەكەن، بيىل ناۋرىزدا France Football وسىنداي اقپارات جاريالاعان ەدى. ولاي بولعان جاعدايدا بۇل فۋتبول تاريحىنداعى ەڭ قىمبات ترانسفەر اتانادى. СCIES Football Observatory مالىمەتىنشە، مباپپە الەمدەگى ەڭ قىمبات ويىنشى - 252,2 ميلليون ەۋروعا باعالانىپ وتىر.
www.24.kz