بيىل قازاقستاندىقتاردى گازبەن قامتۋ 53 پايىزدان اسادى

بۇل تۋرالى بۇگىن ۇكىمەت وتىرىسىندا ق ر ەنەرگەتيكا ءمينيسترى نۇرلان نوعايەۆ ايتتى، دەپ حابارلايدى قازاقپارات ءتىلشىسى.

«ەلدە جاڭا تۇتىنۋشىلاردىڭ پايدا بولۋىنا بايلانىستى گاز تۇتىنۋدىڭ ءوسۋ تەندەنتسياسى بايقالادى. ماسەلەن، سوڭعى 5 جىلدا، 2015-2019-جىلدارى گازدى تۇتىنۋ 12,1 دەن 16,3 ميلليارد تەكشە مەترگە دەيىن نەمەسە 35 پايىزعا ۇلعايدى. وسى جىلدىڭ 10 ايىندا گاز تۇتىنۋ كولەمى 12,4 ميلليارد تەكشە مەتر نەمەسە وتكەن جىلدىڭ سايكەس كەزەڭىنە 102 پايىزدى قۇرادى»، - دەدى مينيستر.

سونىمەن قاتار مينيستر ەلدى گازداندىرۋ دا ارتىپ كەلە جاتقانىن ايتتى.

«ەلدى گازداندىرۋدىڭ 2015-2030-جىلدارعا ارنالعان باس سحەماسىن ىسكە اسىرۋ اياسىندا جىل سايىن مەملەكەتتىك بيۋجەتتەن گازداندىرۋعا قوماقتى قاراجات بولىنەدى. 2020-جىلعى 1- قاڭتارداعى جاعداي بويىنشا ەلدى گازداندىرۋ دەڭگەيى 51,47 پايىزدى قۇرادى نەمەسە 9,5 ميلليون ادام كوگىلدىر وتىنعا قول جەتكىزدى. وسى جىلدىڭ قورىتىندىسى بويىنشا گازداندىرۋ دەڭگەيىن 53,07 پايىزعا قول جەتكىزۋ كۇتىلۋدە. بۇل 2015-جىلعى دەڭگەيدەن 10,07 پايىزعا ارتىق. 2015-2020-جىلدار كەزەڭىندە گازداندىرىلعان ەلدى مەكەندەردىڭ ءوسىمى 286 بىرلىكتى، حالىقتىڭ ءوسىمى 2,4 ميلليون ادامدى قۇرايتىن بولادى»، - دەدى ول.

نۇرلان نوعايەۆ 2020-جىلعى 1- قاڭتارداعى جاعداي بويىنشا گازداندىرۋ دەڭگەيى 90 پايىزدان اساتىن نەعۇرلىم گازداندىرىلعان وڭىرلەردى اتادى. مۇنداي وڭىرلەر قاتارىنا كىرەتىن اتىراۋ وبلىسى - 99,6، ماڭعىستاۋ وبلىسى - 99، الماتى قالاسى - 98,8، باتىس قازاقستان وبلىسى - 96,2، شىمكەنت قالاسى - 92,1 جانە اقتوبە وبلىسى - 90,1 پايىز گازداندىرىلعان.

«جالپى، ەلىمىزدىڭ 6162 ەلدى مەكەنىنىڭ 1468 ءى نەمەسە ولاردىڭ جالپى سانىنىڭ 24 پايىزى گازداندىرىلعان»، - دەدى نۇرلان نوعايەۆ.