09:15, 31 - ناۋرىز 2020 | GMT +6
قازاقستاندا 55 جاستان اسقان قىزمەتكەردى جۇمىسقا شىعۋعا ماجبۇرلەسە نە ىستەۋ كەرەك؟
نۇر-سۇلتان. قازاقپارات - جۇمىس بەرۋشى 55 جاستان اسقان قىزمەتكەردى جۇمىسقا شىعۋعا ماجبۇرلەگەن جاعدايدا پوليتسياعا حابارلاسۋ كەرەك.
بۇل تۋرالى ادىلەت مينيسترلىگى زاڭناما دەپارتامەنتىنىڭ ديرەكتورى ولجاس دانابەكوۆ ءمالىم ەتتى، دەپ حابارلايدى قازاقپارات ءتىلشىسى.
«شىنىمەن دە قازىرگى كەزدە 55 جاستان اسقان ادامنىڭ جۇمىسقا شىقپاۋىنا كەڭەس بەرىلگەن، سونداي-اق قاجەت بولماسا كوشەگە شىعۋدان تارتىنعان ءجون. الايدا جۇمىسىن جالعاستىرىپ جاتقان مەكەمەلەر بار جانە ولاردا جاسى 55 تەن اسقان ادامدار كۇزەتشى قىزمەتىندە بولۋى مۇمكىن»، - دەدى و. دانابەكوۆ حابار 24 تەلەارناسىندا وتكەن ونلاين بريفينگىدە.
ونىڭ سوزىنە قاراعاندا، اتالعان ماسەلەنى تىكەلەي جۇمىس بەرۋشىمەن شەشۋگە كەڭەس بىرىلەدى.
«الايدا ءتيىستى ۋاجگە قاراماستان، جۇمىسقا شىعۋعا ماجبۇرلەسە، وندا پوليتسياعا حابارلاسۋعا بولادى. سايكەسىنشە، ماسەلەنى قۇقىقتىق جولمەن شەشۋ قاراستىرىلعان»، - دەدى ولجاس دانابەكوۆ.