ەلوردادا 56 ويىن-ساۋىق ورنىنا سانيتارلىق نورمالاردى بۇزعانى ءۇشىن ايىپپۇل سالىندى - فوتو

None
None

نۇر-سۇلتان. قازاقپارات - ەلوردادا 56 ويىن-ساۋىق ورنىنا سانيتارلىق نورمالاردى بۇزعانى ءۇشىن ايىپپۇل سالىندى.

ءتارتىپ بۇزۋشىلارعا سالىناتىن ايىپپۇل كولەمى وتە جوعارى، دەپ حابارلايدى قازاقپارات نۇر- سۇلتان اكىمدىگىنىڭ رەسمي سايتىنا سىلتەمە جاساپ.


پوليتسيا، ەرىكتىلەر مەن اكىمدىك قىزمەتكەرلەرى ەلوردانىڭ ويىن- ساۋىق ورىندارىنا رەيد جۇرگىزدى. جاقىندا بۇزۋشىلىقتار قالاداعى تانىمال ورىنداردىڭ ءبىرى - «مياتا» كاليانىندا انىقتالدى. بەلگىلى بولعانداي، كاليانعا كەلۋشىلەر اكىمشىمەن الدىن الا كەلىسىپ، ۇستەلگە تاپسىرىس بەرگەن. مۇندا پاندەميا كەزىندە بارلىق سانيتارلىق نورمالار بۇزىلعان. مىسالى، ءۇش ادام ءبىر كاليان شەگەدى.


«بۇل فاكتى بويىنشا ءبىز بۇدان ءارى سوت ءىسىن جۇرگىزۋگە دەرەكتەردى سەس- كە جىبەرەمىز. ارى قاراي قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىنىڭ 425-بابىنا سايكەس شەشىم قابىلدانادى»، - دەيدى ۋچاسكەلىك ينسپەكتور ءالي ابىلتايەۆ.

كاليانعا كارانتين رەجيمىن بۇزعانى ءۇشىن 230 ا ە ك (638940 تەڭگە)، كاليان دايىنداۋشى مەن كەلۋشىلەرگە 30 ا ە ك (83340 تەڭگە) ايىپپۇل سالىنادى. بۇگىنگى تاڭدا ويىن-ساۋىق مەكەمەلەرىنىڭ كارانتين رەجيمىن بۇزۋىنىڭ 56 فاكتىسى انىقتالدى.

«وسىلايشا ۆيرۋس تارالۋى مۇمكىن. سودان كەيىن ولار جاقىندارىنا جۇقتىرادى، ال ىندەت كۇشەيەدى. ينفەكسيانىڭ تارالۋىن بولدىرماۋ ءۇشىن ءبىز بارلىق كارانتين ەرەجەلەرىن ساقتاۋىمىز كەرەك. ءار ادام وزىنە جانە وتباسىنا جاۋاپتى. وسىلايشا، 2-3 اپتا ۇيدە بولۋ، «ءۇي- جۇمىس- ءۇي» سحەماسى بويىنشا ءجۇرۋ دۇرىس شەشىم بولادى»، - دەيدى قالالىق جاستار ساياساتى ماسەلەلەرى جونىندەگى باسقارما باسشىسى داۋلەت كارىبەك.

ەسكە سالا كەتەيىك، نۇر-سۇلتان قالاسىنىڭ باس سانيتارلىق دارىگەرىنىڭ بۇيرىعىنا سايكەس كارانتين كەزەڭىندە كاليان جۇمىسىنا قاتاڭ تىيىم سالىنادى.


سوڭعى جاڭالىقتار