ءتىلدى ۇيرەنۋدىڭ 5 ءتيىمدى ءادىسى
سونىمەن قاتار جەكە ادامنىڭ ەرەكشەلىكتەرىنە تىكەلەي بايلانىستى.
كەيبىر ادامدار ەندى عانا ەرەجەلەرىن جاتتاپ جۇرگەن بولسا، باسقالارى گاملەتتى ءتۇپنۇسقاسىندا وقىپ ءجۇر.
نەگە كەيبىر ادامدارعا وقۋ وڭاي بەرىلەدى؟ قانداي قۇپيا سىرلارى بار ەكەن؟ ولار جايىندا تومەندە جازىلعان.
تىلدەردى قالاي ۇيرەنەمىز
كەز كەلگەن ادام ءتىلدى ۇيرەنۋگە قابىلەتى بار. ول قابىلەت تۋماسىنان باستاپ بارلىق ادامعا ءتان. وسىنىڭ ارقاسىندا ءوزىمىزدىڭ انا ءتىلىمىزدى دە ەش قيىندىقسىز ءبىلىپ شىعامىز. ەگەر دە بالالار تىلدىك ورتادا بولاتىن بولسا، وندا تەز ارادا ءتىلدى ۇيرەنىپ الا الادى.
ادام بالاسى كىشى كەزدەن باستاپ تۇيسىگىمەن ءتىلدى ۇيرەنۋگە دايىن بولىپ كەلەدى. سوسىن مەكتەپكە بارىپ گرامماتيكا مەن پۋنكتۋاتسيا ۇيرەنەمىز. كىشى كەزىمىزدە قالانعان لينگۆيستيكالىق بازا نەگىزىندە ءتىلدى تەرەڭىرەك ءتۇسىنۋ باستالادى. ءتىلدى وقۋ ارنايى تەحنيكالار مەن ادىستەر، لينگوفوندىق كابينەتتەرسىز اق ىسكە اسادى. نەگە جاس ۇلعايعان كەزدە ءتىلدى وقۋ سونشالىقتى وڭاي ەمەس؟ لينگۆيستيكالىق ەرەكشەلىك تەك بالالارعا ءتان دۇنيە مە ەكەن؟
نەگىزىندە بۇل سۇراققا ءيا دەپ جاۋاپ بەرسە دە بولار ەدى. فيزيولوگيالىق كەدەرگىلەردەن بولەك ۇلكەيگەن كەزدە ءتىلدى وقۋ ءۇردىسى باسقاشا جۇرەدى. مىسالى، ۇلكەندەر وزدەرىنىڭ ۋاقىتتارىنىڭ تەك ارنايى بولىگىن ءتىل وقۋعا ارنايدى. وسىنداي شەكتەۋ ءتىلدى وقۋ ءۇردىسىنىڭ تيىمدىلىگن تومەندەتەدى.
ءتىلدى قالاي ۇيرەنۋ كەرەك
ەگەر دە شەت ءتىلدى تەز جانە ساپالى مەڭگەرۋ كەرەك بولسا، وقۋ ۇردىسىندە بىرنەشە پايدالى كەڭەسكە نازار اۋدارۋ كەرەك.
قايتالاۋ
جاڭا جاتتاعان سوزدەر مەن ۇعىمداردى ەستە ساقتاپ قالۋدىڭ نەگىزگى كەپىلى قايتالاۋ. بەلگىلى ءبىر ۋاقىت وتكەن سايىن سوزدەردى ەسكە الىپ تۇرۋ كەرەك. ولاردى پايدالانباسا، ۇمىتىلادى. مىسالى، بۇگىن وقىعان ءسوزدى ەرتەڭ قايتالاۋ كەرەك. كەيىن ەكى كۇن وتكەننەن كەيىن، ءسويتىپ قايتالاۋ ارالىعىن ۇزارتا بەرۋ قاجەت. بۇل ءادىستى گرافيكتەن كورە الاسىز:
ۇيقى الدىندا وقىڭىز
جاڭا ءتىلدى ۇيرەنۋ كوپ كولەمدە جاڭا اقپاراتتى ەستە ساقتاۋ مەن تۇسىنۋدەن تۇرادى. مىسالى، گرامماتيكالىق ەرەجەلەردى مىسالدارمەن ءتۇسىنىپ، ولاردى پايدالا الۋ كەرەك. ۇيقى الدىندا جاتتالعان سوزدەر، ساباق كەزىندەگىگە قاراعاندا تەز جاتتالادى.
تەك ءتىلدى عانا ەمەس، كونتەنتتى وقىڭىز
ءتىلدى وقۋ بارىسىندا سول تىلدەن پايدالى اقپاراتتاردى وقۋ كەرەك. قىزىقتى ماتەريالدار تىلگە دەگەن قىزىعۋشىلىقتى ارتتىرا تۇسەدى. زەرتتەۋ ناتيجەلەرى دە وسىنى دالەلدەيدى. ءبىر توپ ستۋدەنتتەرگە تەك فرانسۋز ءتىلىن وقۋعا بەرگەن، كەلەسى توپقا فرانسۋز تىلىندە بىرنەشە پاندەردى وقۋعا بەرگەن. ەكىنشى توپ قاتىسۋشىلارى ماتىندە ءتۇسىنۋ مەن وقۋدا قاتتىراق العا ىلگەرىلىگەن. جۇمىس ىستەگەندىكتەن ءتىلدى وقۋعا كەرەكتى ارنايى ۋاقىتتا ءبولۋ وتە قيىن. ەگەر دە تىلمەن كۇندەلىكتى اينالىسسا، ونىڭ پايداسى جاقسىراق بولادى. ءبىزدىڭ مي ءبىر ۋاقىتتا كوپ اقپاراتتى قابىلداي المايدى. سول سەبەپتى ونى ءبولىپ-ءبولىپ بەرگەن دۇرىس. بوس ۋاقىتتاردا پودكاستتار تىڭداۋ ءتىلدىڭ قۇرىلىمى مەن سويلەۋدى تۇسىنۋگە جاقسى قۇرال.
ەسكى مەن جاڭانى ارالاستىر
وقۋ كەرەك ماتەريال كولەمى وتە كوپ. سول سەبەپتى ءتىلدى تەز وقۋعا تىرىسامىز. وسىنداي اسىعىستىق كەزىندە ەسكى اقپارات ۇمىتىلىپ قالىپ جاتادى. مۇنى بولدىرماۋ ءۇشىن ەسكى وتكەن اقپاراتتى جاڭا الىنعان بىلىممەن ارالاستىرىپ وتىرۋ كەرەك. سوندا جاڭا ءتىلدى وقۋ ءۇردىسى جىلدامىراق جۇرەدى.
El.kz