الەمدەگى ەڭ ەرەكشە 6 پلاستيكالىق وتا

None
None
نۇر-سۇلتان. قازاقپارات - الەمدە ءسىز بىلمەيتىن تالاي قىزىق بار. مەديتسينا سالاسى مۇنداي قىزىقتاردان كەندە ەمەس. سىزدەردىڭ نازارلارىڭىزعا الەمدەگى ەڭ ەرەكشە 8 پلاستيكالىق وتانى ۇسىنامىز:

1. كوز يمپلانتى

امەريكاندىق Bright Ocular كومپانياسى سيليكوندى نۇرلى كوز قابىقشاسىن ويلاپ تاۋىپ، ونى ناۋقاستارعا ءساتتى ورناتىپ كەلەدى. بۇل قابىقشا باستاپقىدا جۇقا، يكەمدى ەندوپروتەز بولاتىن. وسى ارقىلى نۇرلى قابىقشالارى جارتىلاي ياكي تولىقتاي جوق ناۋقاستارعا، سونىمەن قاتار قابىقشاسىسىندا اقاۋى بارلارعا (گەتەروحروميا جانە كوز البينيزمى) كومەكتەسپەك بولدى.

دەگەنمەن، بۇل ەندروپروتەز تەك ناۋقاستار اراسىندا عانا ەمەس، دەنى ساۋ ادامدار اراسىندا دا تانىمالدىققا يە بولدى.

ساۋ ادامدار وزدەرىنىن كوزدەرىنىڭ تابيعي تۇسىنە كوڭىلدەرى تولماي، ونى باسقا تۇسكە وزگەرتكىسى كەلدى. كونتاكتى لينزاعا قاراعاندا مۇنداي يمپلانتتار ءوزىنىڭ ىڭعايلىعىمەن جۇرتتى وزىنە تارتتى. نۇرلى قابىقشانى ەش قيىندىقسىز الىپ تاستاپ، ورنىنا جاڭاسىن قويۋعا بولادى (بۇل پروتسەدۋرا بار بولعانى 15 مينۋتتى الادى. ەشقانداي ناركوزسىز جاساۋعا بولادى)

2. ءوسۋىن ەشقاشان توقتاتپاعان كىرپىكتەر

تۇكتى فولليكۋلداردى تەك قانا باسقا عانا ەمەس، سونىمەن قاتار دەنەنىڭ باسقا دا جەرلەرىنە، ءتىپتى كوز قاباعىنا دا ەگۋگە بولادى. ءبىر قىزىعى، بۇل فولليكۋلداردىڭ جىلدام وسەتىنى سونشا، ناۋقاستار كوز كىرپىكتەرىن ءجيى قىسقارتىپ وتىرۋعا ءماجبۇر.

3. سكالپەل ۇشىنداعى تاعدىر

حيرومانتيا عىلىمىنا ەرەكشە ءمان بەرەتىن جاپوندار الاقان سىزىقتارىنا دا وتا جاسايتىن كورىنەدى. بۇل وتا جاپونيادا وتە تانىمال ەكەن. ادامدار لازەرلى سكالپەل ارقىلى الاقاندارىنداعى سىزىقتاردى ءوشىرىپ، ورنىنا جاڭاسىن سىزىپ جاتادى. وسى ارقىلى ولار تاعدىرلارىن وزگەرتكىسى كەلەدى. سەبەبى، حيرومانتيا عىلىمىنا سەنسەك، الاقانداعى سىزىقتار ادام تاعدىرىنا زور اسەرىن تيگىزەدى. دەگەنمەن، الاقاندارىنداعى سىزىقتارىن وشىرگەن سوڭ، وتا جاساتقان ناۋقاستاردىڭ تاعدىرى قانشالىقتى وزگەردى، بۇل جونىندە زەرتتەۋ جۇرگىزىلمەدى. ايتسە دە، ناۋقاستار ءوز-وزدەرىن سەندىرۋ (ساموۆنۋشەنيە) ارقىلى تاعدىرلارىن دۇرىس جاعىنان وزگەرتتى دەپ سەنەيىك.

4. ەلف قۇلاعى

سپوك قۇلاعى نەمەسە ەلف قۇلاعى - قازىرگى تاڭدا بودي-موديفيكاتسياعا قىزىعاتىن جاستار اراسىندا كەڭ تانىمالدىققا يە. كەزىندە «ۆلاستەلين كولەتس» فيلمى ەكرانعا شىعىپ، ميلليونداعان كورەرمەندەردى وزىنە باۋراپ العان بولاتىن. سول فيلمدە ەلف پاتشالىعىندا ءومىر سۇرەتىن تۇرعىنداردىڭ قۇلاعىنىڭ جوعارى بولىگى ۇشكىر بولىپ كەلەدى.

ءدال وسى فورماداعى قۇلاق كورەرمەندەرگە ءوز اسەرىن تيگىزدى. اتالعان فيلمنەن سوڭ، كوپتەگەن ادامدار پلاستيكالىق حيرۋرگتارعا جۇگىنىپ، قۇلاقتارىن ەلفتەردىكىندەي ىستەپ بەرۋدى ءوتىندى.

دەگەنمەن، كوپتەگەن حيرۋرگتار ءدال مۇنداي وتا جاساۋدان ءۇزىلدى-كەسىلدى باس تارتۋمەن بولدى. بۇدان كەيىن قۋ قۇلقىنىن ويلاعان بىلىگى تومەن حيرۋرگتەر اتالعان وتانى جاسىرىن تۇردە جاساۋدى باستاپ كەتتى. ءبىراق، وتالاردىڭ باسىم بولىگى ءساتسىز شىعىپ، ناۋقاستاردىڭ قۇلاعىنداعى وتا ورنىنا ينفەكتسيا كىرىپ، اۋرۋحانان توسەگىنە تاڭىلعان ساتتەرى از ەمەس.

5. ايىر ءتىل

ءتىل بيفۋركاتسياسى - جاسىرىن تۇردە زاڭسىز وتا جاسايتىن كابينەتتەرگە كەڭ تارالعان. ياعني، ادامدار تىلدەرىنىڭ ۇشىن جىلاندىكىندەي ەكىگە ايىرعىسى كەلەدى. وسىنى ءسان كورەتىندەر از ەمەس. مۇنداي وتانى قوس تىلمەن تۋعان- تۋىس، دوس-جاراندارىن قورقىتقىسى كەلەتىن، كوپشىلىك ورتادا ەرەكشەلەنگىسى كەلەتىن جاسوسپىرىمدەر جاساتادى ەكەن. وزدەرىڭىزگە بەلگىلى، جاسوسپىرىمدەر وتپەلى كەزەڭدە ومىردەن ءوز ورىندارىن ىزدەپ، كەيبىرى تەرىس جولعا ءتۇسىپ، ءتۇرلى كوزقاراستار جەتەگىندە كەتەدى. مۇنداي جاسوسپىرىمدەر كولەڭكەلى بيزنەسپەن اينالىساتىن حيرۋرگتاردىڭ جۇمىستارىن قىزدىرىپ تۇر.

6. «پوكەرتوكس» - بوتوكس ارقىلى بلەف

بۇل وتا كاسىپقوي پوكەر ويىنشىلارىنا ارنالعان. سەبەبى، پوكەر ويىنشىلارى ءۇشىن بەتىندەگى سەزىمدى جاسىرۋ وتە ماڭىزدى. ەگەر ويىن ۇستىندە پوكەرشىنىڭ قاسى قوزعالسا نەمەسە ماڭدايى قىرتىستانسا، كوزىنىڭ اينالاسى دىرىلدەسە، وندا ول پارتيانى ۇتىلدى. ويتكەنى، ءتىسقاققان قارسىلاستارى ونىڭ بەت الپەتىندەگى قوزعالىستارعا قاراپ-اق قولىندا قانداي كارتا بارىن بولجاي بەرەدى. سوندىقتان دا، پوكەر ويىنشىلارى وسىنداي قيىندىققا تاپ بولماس ءۇشىن پلاستيك حيرۋرگتارعا بارىپ، بەتتەرىن تارتتىرىپ جاتادى.

دەگەنمەن، بۇل كوپ جاعدايدا كومەكتەسپەگەسىن، امەريكان حيرۋرگ- مامانى دجەك بەردي بوتوكس ينەكسياسىنىڭ جاڭا ءتۇرىن ويلاپ تاپتى. بۇل بوتوكس ادامدنىڭ بەت جۇزىندەگى قيمىل-قوزعالىستى تولىقتاي «جاۋىپ» تاستايدى. بۇل ومىردە تىم ءتيىمسىز بولعانىمەن، كەيبىرەۋلەر ءۇشىن ويىن - ءومىر. اميريكادا قۇمار ويىن وينايتىندار وتە كوپ. وسىعان بايلانىستى دجەك بەرديدىڭ الدى كليەنتتەردەن ەشقاشان بوساعان ەمەس.

oinet.kz


سوڭعى جاڭالىقتار