رونالدۋ مانسابىنداعى 700- گولىن سوقتى

 2020 -جىلعى ەۋروپا چەمپيوناتىنا ىرىكتەۋ كەزەڭى اياسىندا پورتۋگاليا كيەۆتە ۋكراينا قۇراماسىمەن كەزدەستى. ءبىرىنشى تايمدا ەكى گول سوققان الاڭ يەلەرى جەڭىسكە باستار جولدى تاپتى. 72 مينۋتتا تاراس ستەپانەنكو قولمەن ويناعانى ءۇشىن الاڭنان قۋىلىپ، ۋكراينا قاقپاسىنا پەنالتي بەلگىلەندى. 11 مەترلىك قاشىقتىقتان كريشتيانۋ رونالدۋ ءمۇلت كەتكەن جوق. مانسابىنداعى 700-گولىن سوقتى. ءبىراق پورتۋگاليا قۇراماسى ەسەپتى تەڭەستىرە العان جوق.

رونالدۋ 700 گولدى سوعۋ ءۇشىن 974 رەت الاڭعا شىققان. 458 ويىندا گول سوققان. بۇل گولدارىن 12 تۋرنير اياسىندا سوعىپ شىققان. 700 گولدىڭ 450 ءىن ءمادريدتىڭ «رەال» كلۋبىندا ويناپ جۇرگەندە سوققان. «يۋۆەنتۋسكە» اۋىسقالى 32 گول سوعىپ ۇلگەردى. ال ۇلتتىق قۇراما ساپىندا 95 رەت ۇلتتىق قۇراما ساپىندا قارسىلاس كوماندا قاقپاسىنىڭ تورىن تۋلاتقان. «مانچەستەر يۋنايتەدتە» - 118, «سپورتينگ» ساپىندا 5 گول سوققان. كريشتيانۋ رونالدۋ ەڭ كوپ گولىن (27 گول) «سيەۆيليا» كومانداسى قاقپاسىنا سوققان. سونداي- اق «اتلەتيكو» (25 گول) ، «حەتافە» (23 گول) ، «سەلتا» (20 گول) جانە «بارسەلونا» (18 گول) قاقپالارىنا از گول سوقپاعان.

34 جاستاعى پورتۋگالدىق ويىنشى فۋتبول تاريحىندا 700 گول سوققان 6- فۋتبولشى. بۇعان دەيىن بۇل ناتيجەنى برازيليالىق روماريو مەن پەلە، اۆستريالىق يوزەف بيتسان، نەمىس گەرد ميۋللەر مەن ماجار فەرەنتس پۋشكاش باعىندىرعان.

Massaget.kz