الەمدەگى ەڭ كارى انا: 75 جاستاعى اجەي تۇڭعىش بالاسىن ومىرگە اكەلدى

«رەكورد يەسىنىڭ» اتى- ءجونى جاريا ەتىلمەيدى، دەپ حابارلايدى The Times of India باسىلىمى.

جاساندى ۇرىقتاندىرۋ ارقىلى ايەل جۇكتى بولدى. جاسىنا نەمەسە دەنساۋلىعىنا بايلانىستى اۋىر پروبلەمالارعا (ءبىر وكپەنىڭ بولماۋى) قاراماستان بالاسىن ومىرگە اكەلدى. ونىڭ اسىراپ الىنعان بالاسى بار ەكەنى بەلگىلى، ءبىراق ءۇندى ايەل ءوز بالاسىن تۋعىسى كەلدى.

قىز بالا مەزگىلىنەن بۇرىن تۋدى. دارىگەرلەر جۇكتىلىكتىڭ جەتىنشى ايىندا كەسار تىلىگىن جاسادى. جاڭا تۋعان نارەستەنىڭ سالماعى نەبارى 600 گراممدى قۇرادى، ول دەرەۋ جانساقتاۋ بولىمىنە ورنالاستىرىلدى. قازىر انا مەن قىز دارىگەرلەردىڭ باقىلاۋىندا.

ءبىر قىزىعى، الدىڭعى جاس رەكوردتى دا ءۇندىستان تۇرعىنى ورناتتى. 73 جاستاعى ەرراماتتي ماندجايامما 2019 -جىلدىڭ قىركۇيەگىندە ەگىز قىزدى دۇنيەگە اكەلدى. ايەل 1962 -جىلى ۇيلەنگەنىن ايتتى، ءبىراق بىرنەشە جىلدار بويى كۇيەۋى ەكەۋى بالالى بولا المادى. تەك قازىرگى رەپرودۋكتيۆتى تەحنولوگيانىڭ كومەگىمەن بالالى بولدى.