داۋىلدى جەل ماڭعىستاۋ وبلىسى پورتىنداعى 7 بارجانى تەڭىزگە اعىزىپ اكەتتى

None
None
اقتاۋ. قازاقپارات - ماڭعىستاۋ وبلىسىندا كاسپيي تەڭىزىنىڭ ءتۇپقاراعان شىعاناعىندا قۇيىندى جەل پورتتاعى 7 بارجانى زاكىرىنەن ءۇزىپ اكەتتى. وقيعاعا قاتىستى مالىمەتتى ق ر يندۋستريا جانە ينفراقۇرىلىمدىق دامۋ مينيسترلىگى بەردى، دەپ حابارلايدى قازاقپارات.

(بارجا -سۇيرەتكىش نە يتەرگىش كەمەمەن عانا قوزعالاتىن، وزدىگىنەن جۇرمەيتىن جۇك تاسىعىش كەمە. بارجانىڭ سۇيىق زات (مۇناي، سۋ ت. ب. ) جانە قاتتى زات (قۇم، تاس كومىر، ت. ب. ) تاسيتىن تۇرلەرى بار. بارجانىڭ جۇك كوتەرگىشتىگى 5 توننادان 12 تونناعا دەيىن جەتەدى.)

«ناشار اۋا رايىنان ءتۇپقاراعان شىعاناعىنداعى باۋتينو پورتىندا زاكىر شىنجىرىنان 7 بارجا ءۇزىلىپ كەتتى. بولجامدى ۋاقىت - 26 -اقپان، ساعات 03.00. داۋىلدى جەل مەن مۇز بارجالاردىڭ جاعادان الىستۋىنا الىپ كەلدى.

قازىر بارجالار باۋتينو پورتىنىڭ سولتۇستىگى - قۇلالى ارالىنا قاراي قالقىپ جىلجۋدا. ولاردى قايتارۋ ءۇشىن بۋكسيرلەر جىبەرىلدى.

زارداپ شەككەندەر جوق. تەڭىزدە ءجۇزۋ قاۋىپسىزدىگىنە قاتەر تونگەن جوق، سونداي- اق سۋدىڭ لاستانۋى تىركەلمەدى»، - دەدى مينيسترلىكتەن.


سوڭعى جاڭالىقتار