شىعىس قازاقستاندا ءبىر جارىم ايدا 800 توننا پىشەن ورتەنىپ كەتتى

None
None
ءۇرجار اۋدانى. قازاقپارات - شىعىس قازاقستاندا ءشوپ جيناۋ ناۋقانى باستالعالى ءىرى ازىقتى دايىنداپ، تاسۋ جانە ساقتاۋ كەزىندەگى ءورت جاعدايلارى جيىلەپ كەتتى، دەپ حابارلايدى قازاقپارات ءتىلشىسى ش ق و توتەنشە جاعدايلار دەپارتامەنتىنىڭ باسپا ءسوز قىزمەتىنە سىلتەمە جاساپ.

مەكەمەدەگىلەردىڭ ايتۋىنشا، تامىز باستالعالى وبلىستا ءىرى ازىقتىڭ 45 ورتەنۋ جاعدايى تىركەلسە، سونىڭ ىشىندە 800 توننادان استام پىشەن ورتەنگەن. كەزەكتى ءورت ءۇرجار اۋدانىندا، تاسكەسكەن- باحتى تاسجولىنىڭ 121 شاقىرىمىندا بولدى. تىركەمەسى بار تراكتور كەتىپ بارا اتقاندا ورالعان پىشەن ورتەنىپ كەتتى.

«جۇرگىزۋشى كولىگىنىڭ ءبىر جەرى بۇزىلعاندىقتان توقتاپ، پىشەننىڭ قىزىل جالىنعا ورانعانىن بايقاعان. ول دەرەۋ تراكتوردى تىزبەگىنەن اجىراتىپ ءورت سوندىرۋشىلەردى شاقىردى. اۋدانداعى ءورت پوستىنىڭ قىزمەتكەرلەرى 10 مينۋت ىشىندە كەلىپ، ءتىلسىز جاۋدى سوندىرۋگە كىرىستى. وكىنىشكە قاراي، 30 شارشى مەتر اۋماقتا 4 توننا جاڭا دايىندالعان پىشەن مەن تىركەمەنىڭ بولىكتەرى ورتەندى. ءورت سوندىرۋشىلەر ءورتتى 20 مينۋتتا ءسوندىردى»، - دەپ ءتۇسىندىردى ش ق و ت ج د قىزمەتكەرلەرى.

بولجام بويىنشا ورتكە وتتى ابايسىز پايدالانۋ سەبەپ بولعان. ءورت سوندىرۋشىلەردىڭ ايتۋىنشا، ءورتتىڭ تۇتانۋىنا جانىنان ءوتىپ بارا جاتقان اۆتوكولىكتەن لاقتىرىلعان تەمەكى تۇقىلى سەبەپ بولۋى مۇمكىن.

اۆتور: رۋسلان شاقابايەۆ

سوڭعى جاڭالىقتار