جەتىسايدا جۇرگىزۋشى ۆەلوسيپەدپەن بارا جاتقان 8 جاستاعى بالانى قاعىپ كەتتى

سالدارىنان جاس ءوسپىرىم باسىنان جاراقات الىپ، ورتالىق اۋداندىق اۋرۋحاناعا جەتكىزىلگەن، دەپ حابارلايدى قازاقپارات ءتىلشىسى.

وبلىستىق پ د باسپا ءسوز قىزمەتىنىڭ مالىمەتىنشە، بالانى كولىك قاعىپ كەتكەنى تۋرالى حابارلاما جەتىساي ا پ ب-نىڭ كەزەكشى بولىمىنە تۇسكەن. وقيعا ورنىنا شۇعىل جەتكەن پوليتسيا قىزمەتكەرلەرى ۆەلوسيپەد مىنگەن بالانى جولدىڭ قاراما- قارسى باعىتىنان كەلە جاتقان «Lаda « اۆتوكولىگى سوعىپ كەتكەنىن انىقتاعان. كىنالى جۇرگىزۋشىنىڭ ارتىنشا جول- كولىك وقيعاسى ورنىنان قاشىپ كەتكەنى بەلگىلى بولدى.

ونىڭ ۇستاۋ ماقساتىندا اۋداندىق پوليتسيا ءبولىمى قىزمەتكەرلەرىمەن جەدەل-ىزدەستىرۋ ءىس-شارالارى جۇرگىزىلگەن. ناتيجەسىندە ەكى ساعات ىشىندە ءتارتىپ ساقشىلارى كۇدىكتىنى قولعا ءتۇسىردى. تەكسەرۋ بارىسىندا ونىڭ كولىك جۇرگىزۋگە ءتيىستى قۇجاتى جوق ەكەنى، اكەسىنىڭ ماشيناسىن ماس حالدە باسقارعاندىعى انىقتالدى.

بۇگىنگى تاڭدا كۇدىكتى قاماۋعا الىنىپ، اتالعان جايت ق ر ق ك-نىڭ 345-1-بابى «الكوگولدىك، ەسىرتكىلىك جانە (نەمەسە) ۋىتقۇمارلىق ماساڭ كۇيدە كولىك قۇرالدارىن باسقاراتىن ادامداردىڭ جول ءجۇرىسى نەمەسە كولىك قۇرالدارىن پايدالانۋ قاعيدالارىن بۇزۋى» جانە 347-بابى «جول-كولىك وقيعاسى بولعان جەردەن كەتىپ قالۋ» بويىنشا تەرگەلۋدە.