12:52, 21 - قاراشا 2020 | GMT +6
گرۋزيادا 9 ادامدى كەپىلگە العان قارۋلى تۇرعىن ۇستالدى
تبيليسي. قازاقپارات - تبيليسيدەگى قارجى ۇيىمىنىڭ قىزمەتكەرلەرىن كەپىلگە العان قاراۋلى ادام ۇستالدى، دەپ حابارلايدى قازاقپارات نوۆوستي-گرۋزيا سايتىنا سىلتەمە جاساپ.
كەپىلگە ادامداردى العان قارۋلى ادامنىڭ ۇستالعانى جانە وقيعادان ەشكىمنىڭ زارداپ شەكپەگەنى تۋرالى اقپاراتتى تبيليسي پاترۋلدىك پوليتسياسىنىڭ باسشىسى ۆاجا سيرادزە راستادى.
بۇگىن قارۋلانعان ەر ادام قالاداعى قارجى ۇيىمنىڭ كەڭسەسىنە باسا-كوكتەپ كىرىپ، 9 ادامدى كەپىلگە العان.
«بىرنەشە ساعاتقا سوزىلعان كەلىسسوزدىڭ ناتيجەسىندە كەپىلگە الىنعان ادامدار بوساتىلدى، قارۋلى ادام ۇستالدى»، - دەدى سيرادزە.
قارۋلى كۇدىكتى ءوزىنىڭ كىم ەكەنىن جاسىرماعان. بىرنەشە رەت جەلىدە تىكەلەي ەفيرگە شىققان.
ول كەپىلگە العان ادامداردىڭ بوساتۋدىڭ تالابى رەتىندە ەلدە قۇمار ويىندارعا تىيىم سالۋ، بانك نەسيەلەرىن تومەندەتۋ، مەديكامەنتتەر باعاسىن ارزانداتۋدى ايتقان.