جاقىنى قازا بولسا، ءبىر ساۋساعىن كەسىپ تاستايتىن تايپا تۋرالى نە بىلەمىز

قالىڭ ورماننىڭ ىشىندە ءومىر سۇرەتىن تايپا 1938-جىلى بەلگىلى بولىپ، ولارعا تۇسىنىكسىز «دەنني» اتاۋى بەرىلگەن.

بۇل تايپاداعى ايەلدەر - ەجەلگى سالتتىڭ ءبىر بولشەگى. ەگەر جاقىن تۋىسى قازا بولسا، ولار ءبىر ساۋساعىن كەسىپ تاستايدى.

ساۋساعىنان ايىرىلۋ قايعىنىڭ، مۇڭنىڭ بەلگىسى بولىپ ەسەپتەلەدى. وسىلايشا، تايپا ايەلدەرى ءومىر بويى بىرنەشە ساۋساقتارىنان ايرىلادى.

«بۇل عۇرىپ تەك ايەلدەرگە عانا قاتىستى ورىندالادى. مەن ءۇشىن جاۋىزدىق. ولار ءۇشىن جاقىنىن جوعالتۋ قانشالىقتى قايعىلى جايت ەكەنىن كورسەتەتىن جالعىز ءتاسىل - وسى. سوندىقتان ول بۇل عۇرىپتى ءوز ەرىكتەرىمەن ورىندايدى»، - دەيدى ساياحاتشى تان حان لين.

يندونەزيا ۇكىمەتى ساۋساقتاردى كەسۋگە تىيىم سالعانىمەن، تايپا بۇل سالتتى ءالى كۇنگە دەيىن ورىنداپ كەلەدى.

ايتا كەتەيىك، اتالمىش تايپانى امەريكالىق فيلانتروپ ريچارد ارچيبالد تاپقان. وسىدان كەيىن تايپانىڭ مادەنيەتىنە قىزىققان كوپتەگەن تۋريستەر يندونەزياعا قاراي اعىلا باستادى.

ولاردىڭ اراسىندا ابوريگەندەردىڭ قولىنا ءتۇسىپ قالعان فوتوگراف-ساياحاتشى تان حان لين دە بار.

«ولارمەن ءوزىمدى جاقسى سەزىندىم. سەبەبى ولار وتە اشىق جارقىن. ولاردىڭ كوبى يندونەزيا نەمەسە اعىلشىن تىلىندە سويلەي الادى. الايدا كەيدە ايتقىسى كەلگەن نارسەلەردى قيمىلمەن جانە ىممەن تۇسىندىرەدى. تۇرلەرىنىڭ وتە قورقىنىشتى بولعانىنا قاراماستان، ولار مەيىرىمدى، ادامدارمەن تەز ءتىل تابىسىپ كەتەدى جانە ءسىزدىڭ تاراپىڭىزدان دا سونداي جاۋاپ كۇتەدى»، - دەيدى فوتوگراف-ساياحاتشى.