ءوزارا ايەلدەرىمەن الماسا بەرەتىن حالىق تۋرالى نە بىلەمىز؟

None
None
نۇر-سۇلتان. قازاقپارات - تەحنولوگيالار دامىپ كەتكەن قالالاردان شالعاي اۋدانداردا تۇراتىن حالىقتاردىڭ باياعىدان بەرى كەلە جاتقان ءوز سالت-داستۇرلەرى بار.

ولاردىڭ ءبىرقاتارى بۇگىنگى كۇننىڭ ادامدارى ءۇشىن مۇلدە جات دۇنيە. ماسەلەن، قيىر سولتۇستىكتى مەكەن ەتكەن چۋكچالار وزدەرىنىڭ قىزىقتى وتباسىلىق قارىم-قاتىناستارىمەن تانىمال دەپ جازادى bigpicture سايتىنا سىلتەمە جاساعان NUR. KZ.

چۋكچالار - قيىر سولتۇستىكتە تۇراقتاعان ەرەكشە سالت-داستۇرلەرى بار حالىق. ولار ەرەكشە نەكە شارتتارى بويىنشا ءومىر سۇرەدى. بۇل سالتتىڭ ارقاسىندا وتاعاسىنان ايىرىلعان وتباسى ارنايى كومەككە يە بولا الادى. ياعني، مارقۇمنىڭ اعاسى نەمەسە ءىنىسى جەسىر قالعان ايەلگە ۇيلەنۋگە ءماجبۇر بولادى.

وعان قوسا، چۋكچالاردا توپتىق نەكە شارتى دا قاراستىرىلعان. ياعني، وتباسىلى ەر ادامدار جانۇيالاردى بىرىكتىرۋ ارقىلى ۇيلەسكەن ەڭبەك جانە قارجىلاي كومەككە يە بولادى. سوعان وراي، مۇنداي كەلىسىمگە كەدەي ازاماتتار اۋقاتتى جانۇيالارمەن وتىرۋعا بارىنشا تىرىسادى.

ەڭ قىزىعى، توپتىق نەكەدەگىلەر ءبىر-ءبىرىنىڭ ايەلىمەن ەركىن تۇردە توسەكتەس بولا بەرەدى.

«توپتىق نەكەگە وتىرعان ەر ادامدار ءبىر-ءبىرىنىڭ ايەلىمەن رۇقساتسىز-اق جىنىستىق قاتىناسقا تۇسە بەرەدى. كەيدە توپتىق نەكە شارتىنا قاراماستان، ازامات ءوز جارىن باسقا دوسىمەن توسەكتەس بولۋىنا دا رۇقساتىن بەرىپ جاتاتىن وقيعالار ءجيى كەزدەسەدى. چۋكچالار ءۇشىن بۇل ماسەلەدە تۇرعان ەشتەڭە جوق»، - دەپ ايتتى زەرتتەۋشى ەتنوگراف ۆلاديمير بوگوراز.

توپتىق نەكەدە تۋىلعان بالالاردىڭ بارلىعى ءبىر-بىرىنە تۋعان اعايىن بولىپ ەسەپتەلىنەدى. ويتكەنى، بۇلدىرشىندەر ءبىر وتباسىدان شىققان بولىپ سانالادى. سول سەبەپتى، توپتىق نەكە بەدەۋلىككە شالدىققان ەرلەر ءۇشىن تاپتىرماس مۇمكىندىك.


سوڭعى جاڭالىقتار