وڭتۇستىك كورەيادا بالا قاعىپ، قاشىپ كەتكەن وتانداسىمىز ءوز ەركىمەن سەۋلگە ۇشىپ باردى

None
None
نۇر-سۇلتان. قازاقپارات - وڭتۇستىك كورەيادا كىشكەنتاي بالانى قاعىپ كەتىپ، سوڭىنان ەلدەن كەتىپ قالعان قازاقستان ازاماتى تەرگەۋ ءىس-شارالارىنا قاتىسۋ ءۇشىن سەۋل قالاسىنا ءوز ەركىمەن ۇشىپ كەلدى. 

بۇل جونىندە سىرتقى ىستەر مينيسترلىگىنىڭ باسپا ءسوز قىزمەتىنە سىلتەمە جاساپ قازاقپارات حابارلايدى.

«قازاقستان رەسپۋبليكاسى ازاماتىنىڭ كورەياعا كەلۋ بارىسى ەلشىلىك قىزمەتكەرلەرىنىڭ باقىلاۋىندا ءوتتى. ديپلوماتتار جەكە سۇحبات بارىسىندا ونىڭ قۇقىقتارىن ءتۇسىندىرىپ، تەرگەۋ كەزىندە ءوزىن قالاي ۇستاۋى كەرەكتىگى تۋرالى كەڭەس بەردى» دەلىنگەن حابارلامادا.

قازىرگى ۋاقىتتا وتانداسىمىز چانگۆون قالاسىنىڭ تەرگەۋ يزولياتورىندا قاماۋدا وتىر. ەلشىلىك بۇل ماسەلەنى ۇدايى باقىلاۋدا ۇستايدى.

ەسكە سالا كەتەيىك، ءبىراز ۋاقىت بۇرىن قازاقستان ازاماتى وڭتۇستىك كورەيادا كىشكەنتاي بالانى قاعىپ، وقيعا ورنىنان ءىزىن سۋىتقان بولاتىن. ءبىراز ۋاقىتتان كەيىن ونىڭ پاۆلوداردا جۇرگەنى بەلگىلى بولدى.

وسى جاعدايدان كەيىن وڭتۇستىك كورەيانىڭ بيلىك وكىلدەرى زاڭسىز جۇرگەن شەتەلدىك ازاماتتارعا ەلدەن الدىن الا ەسكەرتۋسىز شىعۋعا تىيىم سالاتىنىن ءمالىم ەتتى.

سوڭعى جاڭالىقتار