سيريا اسكەرى تۇركيا اسكەرىنە قارسى قوزعالدى

None
None
نۇر-سۇلتان. قازاقپارات - سيريا اسكەرى تۇركيا اسكەري وپەراتسياعا كىرىسكەن سيريانىڭ سولتۇستىگىنە قاراي قوزعالدى. سيرياداعى رەسمي دەرەككوزدەر تۇركيانىڭ ارەكەتىن «باسقىنشىلىق» دەپ اتايدى.

سيريانىڭ سولتۇستىك- شىعىسىن باقىلايتىن كۇرد قارۋلى جاساقتارى مەن «سيريا دەموكراتيالىق كۇشتەرى» (SDF) تۇركيا شابۋىلىنان قورعانۋ ءۇشىن ءبىرقاتار قالالارعا ۇكىمەت اسكەرىن ورنالاستىرۋ جونىندە كەلىسىمگە كەلدى. بۇل كەلىسىم جەكسەنبىدەن دۇيسەنبىگە قاراعان ءتۇنى، 14 - قازاندا بەلگىلى بولدى. سيريا اسكەرىنىڭ وكىلى بۇعان دەيىن «تۇرىك باسقىنشىلىعىنا» قارسى تۇرۋ ءۇشىن سولتۇستىككە اتتانۋ جونىندە بۇيرىق بەرىلگەنىن مالىمدەگەن بولاتىن.

دۇيسەنبى تاڭدا اساد اسكەرى تۇرىك اسكەرى شابۋىل جاسايتىن جولدا بولۋى مۇمكىن تەل- تامەر قالاسىن الدى. سونداي- اق، بۇرىن ا ق ش باستاعان كواليتسيا كۇشتەرى پايدالانىپ كەلگەن تابكا اۆيابازاسى مەن سيريانىڭ سولتۇستىك شىعىسىنداعى ءبىرقاتار پۋنكتتەر سيريا اسكەرىنىڭ قولىنا ءوتتى دەگەن حابار تارادى.

كەلىسىم بويىنشا، اساد اسكەرى تۇرىك اسكەرىنىڭ جولىنداعى ءىرى قالالارعا كىرىپ، تۇركيانىڭ الدىنا نە ۇرىستى توقتاتۋ، نە سيريانىڭ تۇراقتى اسكەرىمەن ۇرىسقا كىرۋ دەگەن ماسەلەنى قويۋى ءتيىس. بۇرىن انكارا مۇنداي مۇمكىندىكتى جوققا شىعارعان.

سيريا كۇردتەرىنىڭ وكىلدەرى اسادپەن ازىرگە تەك اسكەري ءىس بويىنشا عانا كەلىسىم جاسالعانىن ايتادى. سيريانىڭ سولتۇستىك- شىعىسىنىڭ ساياسي كەلەشەگى تالقىلانباعان. ونىڭ سوزىنشە، ا ق ش سيريانىڭ سولتۇستىگىنەن اسكەرىن اكەتۋ جايلى شەشىم قابىلداعان سوڭ كۇردتەر تۇركيادان قورعانۋ ءۇشىن رەسمي داماسكتەن كومەك سۇراۋعا ءماجبۇر بولعان.

رەسەي اسكەرى سيريا اسكەرىنىڭ سولتۇستىككە جىلجىعانىن قولداي ما، جوق پا، ازىرگە بەلگىسىز. تۇركيا بيلىگى دە ازىرگە جاعدايدى تۇسىندىرگەن جوق. بۇرىن انكارا «سيريادا باستالعان وپەراتسيانىڭ ماقساتى - تۇركيا مەن سيريانىڭ وڭتۇستىگىنە قاراي 30 ك م قاۋىپسىز ايماق قۇرۋ» دەپ ءۋاج ايتقان بولاتىن. تۇركيا سيريا كۇردتەرىنىڭ قارۋلى جاساقتارىن تەررورلىق ۇيىم دەپ سانايدى.

زاڭ شىعارۋشىلار تاراپىنان «تۇركيانىڭ كۇردتەرگە قارسى اسكەري وپەراتسياسىنا كەدەرگى بولعىسى كەلمەدى» دەگەن كىنا ارتىلعان ا ق ش پرەزيدەنتى دونالد ترامپ جەكسەنبى كۇنى «تۇركياعا قاتاڭ سانكسيا سالۋ ءۇشىن سەناتورلارمەن بىرىگىپ جۇمىس ىستەپ جاتقانىن» مالىمدەدى. تاياۋ ارادا ەۋروپا وداعى دا تۇركياعا سانكسيا سالۋ ماسەلەسىن تالقىلاۋى مۇمكىن.

https://www.azattyq.org

سوڭعى جاڭالىقتار