ەلوردا اۆتوبۋستارىندا بەت- الپەت ارقىلى جولاقى تولەۋ جۇيەسى ەنگىزىلەدى

None
None
نۇر- سۇلتان. قازاقپارات - ەلوردا اۆتوبۋستارىندا جولاۋشىنىڭ بەت- ءجۇزىن تانۋ ارقىلى جولاقى الۋ جۇيەسى ەنگىزىلەدى. بۇل تۋرالى بۇگىن «IPay» ج ش س قۇرىلتايشىسى الماس ايمەنوۆ ايتتى، دەپ حابارلايدى قازاقپارات ءتىلشىسى.

«بيومەتريانىڭ كومەگىمەن بەت- الپەتتىڭ سۋرەتى ارقىلى تولەم جاساۋدى ەنگىزبەكپىز. Telegram دا بوت قۇردىق. وندا ءسىز ءوزىڭىزدىڭ ج س ن- ءىنىڭدى، سۋرەتىڭىزدى، اۆتوبۋس كارتاڭىزدى تىركەۋ ارقىلى جۇيەگە ەنە الاسىز. ودان كەيىن مالىمەتتەرىڭىزدى پايدالانۋعا رۇقسات بەرەسىز. مۇنان ارى تەلەفونىڭىزدى نەمەسە تولەم كارتاڭىزدى وزىڭىزبەن بىرگە الىپ ءجۇرۋ ارقىلى اۆتوبۋستا بيلەت ساتىپ الا الاسىز» ، - دەدى ول «قوعامدىق كولىك: رەفورمالار جانە دامۋ جولدارى» اتتى كونفەرەنتسيا بارىسىندا.

ونىڭ اتاپ وتۋىنشە، جۇيە بارىنشا قاۋىپسىز.

«ءبىز قاۋىپسىزدىك شەگىنىڭ كريتەريلەرىن كوتەردىك. جۇيەمىز 95 پايىزعا دەيىن ءدال تانيدى. ەگەر جۇيەنىڭ تانۋ دەڭگەيى 80 پايىزدان تومەن بولسا، وندا جولاۋشىعا كامەراعا تاعى ءبىر مارتە قاراۋ تۋرالى ءوتىنىش جاسالادى. باستاپقىدان- اق جۇيە جولاقىسىن تولەمەگەن ادامداردى ۇستاۋ ءۇشىن ەمەس، جولاۋشىلاردىڭ قولدانۋىنا ىڭعايلى بولۋى ءۇشىن جاسالعان. شىنىمەن دە وسى جۇيەنى پايدالانعىسى كەلگەن جولاۋشى كامەراعا تۋرا قاراپ، بيلەت الا الادى» ، - دەدى الماس ايمەنوۆ.

كومپانيا قۇرىلتايشىسىنىڭ سوزىنە قاراعاندا، تولەمنىڭ مۇنداي جۇيەسىن قولدانۋ بارىسىندا جولاۋشىنىڭ سۋرەتى جۇرگىزۋشى الدىنداعى مونيتوردان كورىنىپ تۇرادى.

«جالپى، بۇل تولىقتاي قازاقستاندىق ازىرلەمە سانالادى. وسىعان ۇقساس جۇيە بولۋى دا مۇمكىن. دەگەنمەن، بىزدىكىنىڭ تولەم جاساۋعا دا مۇمكىندىگى بار» ، - دەدى ول.

سوڭعى جاڭالىقتار