16:35, 15 - قازان 2019 | GMT +6
مەملەكەتكە وپاسىزدىق جاساعان سىروەجكين قازاقستان ازاماتتىعىنان ايىرىلدى
الماتى. قازاقپارات - مەملەكەتكە وپاسىزدىق جاساپ، 10 جىلعا باس بوستاندىعىنان ايىرۋ جازاسىنا كەسىلگەن كونستانتين سىروەجكين قازاقستان ازاماتتىعىنان ايىرىلدى، دەپ حابارلايدى قازاقپارات ءتىلشىسى الماتى قالالىق سوتىنا سىلتەمە جاساپ.
«الماتى قالاسىنىڭ قىلمىستىق ىستەر بويىنشا مامانداندىرىلعان اۋدان ارالىق سوتىنىڭ ۇكىمىمەن كونستانتين سىروەجكين مەملەكەتكە وپاسىزدىق جاسادى دەپ تانىلىپ، 10 جىلعا باس بوستاندىعىنان ايىرىلدى. سونداي- اق سوت ونى قازاقستان رەسپۋبليكاسىنىڭ ازاماتتىعىنان ايىردى. سىروەجكين جازاسىن ارنايى رەجيمدەگى قاۋىپسىزدىگى جوعارى كولونيادا وتەيدى. قىلمىستىق كودەكستىڭ 51-بابىنىڭ نەگىزىندە نەگىزگى جازانى وتەگەننەن كەيىن كونستانتين سىروەجكيننىڭ بەس جىل مەرزىمگە قازاقستان رەسپۋبليكاسىنىڭ اۋماعىنا كىرۋىنە تىيىم سالىنىپ، قازاقستان رەسپۋبليكاسىنان ءماجبۇرلى تۇردە شىعارىلادى»، - دەپ حابارلايدى قالالىق سوتتىڭ باسپا ءسوز قىزمەتى.
ايتا كەتەيىك، بۇعان دەيىن ساياساتكەر مەملەكەتكە وپاسىزدىق جاسادى دەپ تانىلىپ، 10 جىلعا باس بوستاندىعىنان ايىرىلعان بولاتىن.
اۆتور الما مۇقانوۆا