شىمكەنتتىك جولاۋشى بالاسىن قۇجاتسىز ۇشاققا مىنگىزبەگەن اۋەجاي قىزمەتكەرىن ۇردى

«8 -قازان كۇنى 4 كامەلەت جاسقا تولماعان بالاسى جانە بالا كۇتۋشىسىمەن جولاۋشى شىمكەنت اۋەجايىنا كەلدى. ول بالالارىنىڭ ءبىرىنىڭ قۇجاتى جوقتىعىن ايتىپ، ونى نۇر-سۇلتان قالاسى رەيسىنە تىركەۋىن سۇراعان. تىركەۋ جونىندەگى اگەنت جولاۋشىعا ۇشۋعا تىركەلۋ ءۇشىن مىندەتتى تۇردە قۇجات بولۋىن حاباردار ەتتى. دەگەنمەن جولاۋشى اۋەكومپانيا قىزمەتكەرىنە ءتىل تيگىزىپ، ودان بالاسىنا وتىرعىزۋ تالونىن بەرۋىن تالاپ ەتتى. زاڭ تالاپتارىن تۇسىندىرگەن اۋەكومپانيانىڭ قىزمەتكەرىنە جولاۋشى دورەكىلىك تانىتا وتىرىپ، باسقا جولاۋشىلارعا كەدەرگى جاساۋمەن قاتار بالالارىن جۇك تاسىمالداۋ جولاعىنا وتىرعىزىپ قويدى. سونىمەن قاتار ول ءوزىن ورتەيتىنىن جانە اشتىق جاريالايتىنىن ايتتى. سوڭىندا اۋەكومپانيانىڭ قىزمەتكەرىنە ەكى رەت سوققى تيگىزدى»، - دەپ حابارلايدى «Air Astana» اۋەكومپانياسى.

حابارلامادا ايتىلعانداي، ءوز كەزەگىندە اۋەكومپانيا قىزمەتكەرى قۇقىق قورعاۋ ورگاندارىنا جولاۋشىنىڭ ۇستىنەن شاعىم جازدى.

«اۋەكومپانيا ءوز قىزمەتكەرىنىڭ بۇل ارەكەتىن قولدايدى. سەبەبى اۋەكومپانيا قىزمەتكەرىنىڭ ەشقانداي قوقان-لوققىسىز ءوز مىندەتىن اتقارۋعا قۇقىعى بار. بۇل اۋە كەڭىستىگىندەگى قاۋىپسىزدىك پەن ءتارتىپتى قامتاماسىز ەتۋدە ماڭىزدى. ايتا كەتۋ كەرەك، زارداپ شەككەن اۋە كومپانيا قىزمەتكەرى دە كوپبالالى انا. ول كامەلەت جاسىنا تولماعان 4 بالانى تاربيەلەۋدە»، - دەپ جازىلعان حابارلامادا.

سونداي-اق، اتالعان اۋەكومپانيا ۇشۋ الدىندا جولاۋشىلاردىڭ قۇجاتىن تەكسەرۋ زاڭعا سايكەس جۇرگىزىلەتىنىن ەسكەرتەدى.

«ق ر زاڭنامالىق نورمالارىنا سايكەس كامەلەت جاسقا تولماعان بالالار مەن جاسوسپىرىمدەردەن ۇشۋ كەزىندە ولاردىڭ قۇجاتتارىنىڭ تالاپ ەتىلەتىنىن، سونىمەن قاتار وعان جاۋاپتى ازاماتتىڭ دا قۇجاتى بولۋى كەرەكتىگىن ەسكەرتەدى. اۋە رەيسىنە تىركەۋ كەزىندە اۋەكومپانيا قىزمەتكەرلەرى بارلىق جولاۋشىلاردىڭ قۇجاتتارىن تەكسەرۋگە مىندەتتى»، - دەلىنگەن كومپانيا تاراتقان اقپاراتتا.

اۆتور: ءالي يبرايەۆ