كانەلو: گولوۆكين ەكەۋمىزدىڭ باسەكەمىز اياقتالدى

None
None
نۇر-سۇلتان. قازاقپارات - مەكسيكالىق بوكسشى ساۋل كانەلو الۆارەس گەننادي گولوۆكينمەن ءۇشىنشى جەكپە- جەگىنە قىزىعۋشىلىق تانىتپايتىنىن تاعى ءبىر مارتە مالىمدەدى.

ەسكە سالايىق، گەننادي گولوۆكين مەن «كانەلو» لاس- ۆەگاستا ەكى رەت جۇدىرىقتاسقان. 2017 -جىلدىڭ قىركۇيەگىندە ولاردىڭ العاشقى جەكپە- جەگى تارتىستى تەڭ ەسەپپەن اياقتالدى، ال ءبىر جىلدان كەيىن مەكسيكالىق سپورتشىنىڭ جەڭىسىمەن اياقتالدى. ولاردىڭ ءۇشىنشى ماتچى قىركۇيەك ايىندا بولادى دەپ كۇتىلگەن، ءبىراق الۆارەس ودان باس تارتتى.

«سپورتشى ءوزىنىڭ كەرەمەت ءساتىن باستان كەشىرگەندە، ءارقاشان ءسىزدىڭ ىستەپ جاتقان ىسىڭىزگە كەلىسپەيتىن، ءسىزدى قولدامايتىن ادامدار بولادى. ءبىراق بۇل قالىپتى جاعداي، بۇل كەز- كەلگەن تابىستى ادامنىڭ پروتسەسىنىڭ بولىگى. مەن تۋرالى ايتىلاتىن جاعىمسىز نارسەلەرگە كوپ ءمان بەرمەيمىن. مەن مۇنى موتيۆاتسيا رەتىندە قابىلدايمىن، ويتكەنى كەيدە ادامدار بوكستى تۇسىنبەستەن تالقىلاي بەرەدى» ، - دەدى مەكسيكالىق بوكسشى.

ول گەننادي گولوۆكيندى جەڭگەنىنە ريزا ەكەنىن اتاپ ءوتتى.

«گولوۆكين مەن تۋرالى ءالى دە ايتىپ ءجۇر، ءبىراق ءبىزدىڭ باسەكەلەسىمىز ەندى اياقتالدى. مەن ءۇشىن ول ەشقانداي قيىندىق تۋدىرمايدى» ، - دەپ تولىقتىردى الۆارەس.

بۇعان دەيىن كانەلو «گولوۆكين - بۇل جاقسى بيزنەس» دەپ ايتقان بولاتىن. ەگەر وعان جاقسى ۇسىنىس بولسا، ول ءۇشىنشى جەكپە- جەكتى وتكىزۋگە كەلىسەتىنىن اتاپ وتكەن ەدى.

2 - قاراشادا كانەلو جەڭىل سالماقتاعى WBO چەمپيونى رەسەيلىك سەرگەي كوۆاليەۆپەن جۇدىرىقتاسادى.

سوڭعى جاڭالىقتار