جوعارعى وقۋ ورىندارىنىڭ وقىتۋشىلارىنا جالاقىنى ءوسىرۋ شىعىندارى بيۋدجەتكە سالماق تۇسىرمەيدى

None
None
نۇر-سۇلتان. قازاقپارات - جوعارعى وقۋ ورىندارى وقىتۋشىلارىنىڭ ەڭبەكاقىسى وسەدى. جالاقىنى 30 بەن 50 پروتسەنت ارالىعىندا كوبەيتۋ كوزدەلگەن. وسىعان قاتىستى قولعا الىنعان شارالار كەلەسى جىلدىڭ باسىنا دەيىن اياقتالۋى ءتيىس.

 ەڭبەكاقىنى وسىرۋگە قاتىستى شىعىندار مەملەكەتتىڭ بيۋدجەتىنە سالماق تۇسىرمەيدى. ياعني جوعارعى ءبىلىم بەرەتىن مەكەمەلەرى ىشكى قارجىلىق قوردىڭ مۇمكىندىكتەرىن پايدالانا وتىرىپ، قىزمەتكەرلەرىنىڭ تابىسىن ەسەلەيتىن بولادى. اقپاراتتىق قاۋىپسىزدىك سالاسىنىڭ مامانى، تەحنيكا عىلىمدارىنىڭ كانديداتى حاكىم ساعىندىقوۆ جوعارعى وقۋ ورىندارىندا 40 جىلدان بەرى ساباق بەرىپ كەلەدى. ءبىلىم بەرۋ جۇيەسىندە تالاي رەفورمانى باسىنان وتكەرگەن. سوندىقتان ونىڭ ءتيمدى جانە ءتيىمسىز تۇستارىن ءدوپ باسىپ ايتىپ بەرە الادى. ول جۇمىس ىستەيتىن ەۋرازيا ۇلتتىق ۋنيۆەرسيتەتى وسى جاڭا وقۋ جىلىنان باستاپ، ىشكى رەزەرۆتى پايدالانا وتىرىپ، وقىتۋشىلاردىڭ جالاقىسىن ءوسىردى. ياعني، پەداگوگتاردىڭ جۇكتەمەسى، عىلىمي ەڭبەكتەرى نازارعا الىندى.

حاكىم ساعىندىقوۆ، تەحنيكا عىلىمدارىنىڭ كانديداتى:

 - ءجاي وقىتۋشىلارعا ءبىر بولەك جۇكتەمەلەرى ەسەپتەلىپ ۇستەماقى قوسىلادى. اعا وقىتۋشىلارعا ءبىر بولەك ۇستەماقىلارى كوبەيدى. دوتسەنتتەرگە ءبىر بولەك. 30 پروتسەنت ءجاي مۇعالىمدەردەن باستالىپ، اعا وقىتۋشىلاردىكى ودان كوبەيدى.

بۇگىندە جوعارعى وقۋ ورنىنداعى وقىتۋشىلارىنىڭ ءبىرقاتارى 60-70 مىڭ جالاقى الاتىنى راس. ولاردان ساپانى تالاپ ەتۋ مۇمكىن ەمەس. وسىعان وراي مەملەكەت باسشىسى پەداگوگتاردى قولداۋ جونىندە تاپسىرما بەردى. ال، ءبىلىم جانە عىلىم مينيسترلىگى رەكتورلارعا كەلەسى جىلعا دەيىن ەڭبەكاقىنى كوبەيتۋ مىندەتىن جۇكتەدى. كوبەيتكەندە دە 50 پروتسەنتتەن كەم بولماۋى شارت.

مامانداردىڭ ايتۋىنشا، بۇل شارالار ءبىلىم ساپاسىنا كەرى اسەرىن تيگىزبەۋى كەرەك.

شاحماران سەيىلوۆ، ل. گۋميليەۆ اتىنداعى ە ۇ ۋ اقپاراتتىق تەحنولوگيالار فاكۋلتەتىنىڭ دەكانى:

 - قوعامداعى بيزنەس بىزگە سەنىممەن قارامايدى. سىزدەر جۇمىستى باسىنان باستايسىزدار. اياعىنا دەيىن جەتكىزبەيسىڭدەر. سىزدەر زەرتتەۋ ماسەلەسىمەن عانا اينالىسىزدار. ال زەرتتەگەننەن كەيىن قولدانۋ، پايدالانۋ ماسەلەسىن قاراڭىزدار دەپ بىزگە ماقسات قويىپ جاتىر. مەنىڭ ارىپتەستەرىمنىڭ كوڭىل كۇيى جاقسى. ءبىراق جالاقىنى ودان ءارى قاراي دا وسىرەتىن جاعدايىمىز بار. جالاقىنى كوبەيتۋ وقىتۋشىلار مەن ستۋدەنتتەردىڭ سانىنا دا اسەر ەتپەۋى ءتيىس. پەداگوگتار قىسقارىپ، ستۋدەنتتەردىڭ سانى ارتپاعانى ءجون. تابىستى ارتتىرۋ ءۇشىن يندۋستريالدى گرانتتاردى كوبەيتۋ قاراستىرىلماق. ياعني بيزنەس ارىپتەر ىزدەستىرىلەدى. سونىمەن قاتار رەكتورلاردىڭ الدىنا جوعارى وقۋ ورىندارىندا جۇمىس ىستەيتىن اكادەميكتەردى قوسىمشا اقىلار تاعايىنداۋ ارقىلى قولداۋ مىندەتى قويىلىپ وتىر. الداعى ۋاقىتتا جاس عالىمداردى قولداۋ شارالارى دا قولعا الىنادى.

www.24.kz

سوڭعى جاڭالىقتار